کراچی آپریشن کے حوالے سے جے آئی ٹی رپورٹ منظر عام پر آگئی ‘عامر خان کے دہشگردوں بھتہ خوروں کے سہولت کارہونے کا انکشاف

عمر جمشید جمعرات 26 نومبر 2015 16:13

کراچی (اُردو پوائنٹ تازہ ترین ۔۔ آئی پی اے ۔۔26 نومبر۔2015ء) کراچی آپریشن کے حوالے سے جے آئی ٹی رپورٹ منظرعام پر آگئی ۔رپورٹ کے مطابق ایم کیوایم کے رہنما عامر خان خطرناک دہشتگردوں اور ٹارگٹ کلرز کے سہولت کار تھے۔اس اہم ترین جے آئی ٹی رپورٹ میں بتایا گیا ہے کہ گرفتاری کے وقت عامر خان ایم کیو ایم ہیڈکوارٹر نائن زیرو کے سکیورٹی انچارج تھے اور یہاں سے گرفتار ہونے والے 26 ٹارگٹ کلرز، بھتہ خور اور تخریب کار انہی کی آشیرباد پر نائن زیرو کے اطراف میں روپوش تھے۔

رپورٹ کیمطابق عامر خان نائن زیرو سے گرفتار ملزموں اور برآمد ہونے والے اسلحے کے نگران تھے جبکہ ان ملزموں کو رئیس عرف مما، نعیم ملا اور شہزاد ملا بھی کنٹرول کیا کرتے تھے ۔جے آئی ٹی رپورٹ میں انکشاف کیا گیا ہے کہ عامر خان کی ہدایات پر یہ ملزم بھتہ خوری اور تخریب کاری کی وارداتیں کرتے تھے۔

(جاری ہے)

رپورٹ میں عامر خان اور ایم کیو ایم کے سابق و روپوش رہنماوں سے انیس قائم خانی، حماد صدیقی، محمد انور اور سلیم شہزاد سے اختلافات کا بھی تذکرہ ہے۔

جے آئی ٹی رپورٹ میں بتایاگیا ہے کہ عامر خان دبئی میں گوشت کا کاروبار کرتے ہیں۔ عامر خان 1993سے 1999تک شارجہ میں رہے اور 2003سے 2011تک جیل کاٹی۔ جے آئی ٹی رپورٹ وفاق کو ارسال کی جا چکی ہے اور اب اسے عامر خان کے خلاف موجود ریکارڈ کا حصہ بھی بنایا جا رہا ہے۔

Facebook Twitter Google + Share on Whatsapp

کراچی آپریشن کے حوالے سے جے آئی ٹی رپورٹ منظر عام پر آگئی ‘عامر خان کے دہشگردوں بھتہ خوروں کے سہولت کارہونے کا انکشاف

متعلقہ عنوان :

مزید اہم خبریں