پیپلز پارٹی کا (ن) لیگ کیخلاف اپوزیشن کا گرینڈ الائنس قائم کرنے پر غور
پارٹی رہنماوٴں کیخلاف مقدمات بنانے ،ایگزٹ کنٹرول لسٹ میں نام شامل کرنے سمیت انتقامی کارروائیوں پر سنوائی نہ ہونے پراحتجاج کا فیصلہ ،ذرائع
جمعہ 27 نومبر 2015 16:23
کراچی (اُردو پوائنٹ اخبارتازہ ترین - این این آئی۔27 نومبر۔2015ء) پیپلز پارٹی کی قیادت نے وفاقی حکومت کی جانب سے پارٹی رہنماوٴں کے خلاف مقدمات بنانے اور ایگزٹ کنٹرول لسٹ میں نام شامل کرنے سمیت انتقامی کارروائیوں پر سنوائی نہ ہونے پر ن لیگ کی حکومت کے خلاف سخت عوامی احتجاج کا فیصلہ کرلیا ہے۔ پہلے مرحلے میں پریس کلبوں کے باہر اور اہم مقامات پر احتجاجی مظاہرے کیے جائیں گے اور اگلے مرحلے میں اہم سڑکوں پر دھرنے دیے جائیں گے۔
پیپلز پارٹی اہم قومی منصوبوں میں حکومت کی عدم دلچسپی، میگا پروجیکٹس میں مبینہ کرپشن اورترقیاتی منصوبوں میں چھوٹے صوبوں کو نظر انداز کرنے کا معاملہ پارلیمنٹ میں اٹھائے گی، حکومتی کرپشن اورناقص کارگردگی کو وائٹ پیپر کی صورت میں عوام کے سامنے لایا جائے گا۔(جاری ہے)
ذرائع کے مطابق پیپلز پارٹی کی قیادت نے حکمراں لیگ کی جانب سے پیپلز پارٹی کے خلاف انتقامی کارروائیوں کا سنجیدگی سے جائزہ لیا ہے، دبئی میں پارٹی کے شریک چیئرمین آصف زرداری حکومتی رویے اور انتقامی کارروائیوں پر اہم رہنماوں سے تفصیلی مشاورت کررہے ہیں۔
اہم ذرائع نے بتایاکہ پیپلز پارٹی نے اس صورت حال پر اپوزیشن کی اہم جماعتوں تحریک انصاف، اے این پی، جماعت اسلامی، ایم کیو ایم اور دیگر جماعتوں سے مشاورت کا فیصلہ کیا ہے اور غور کیا گیاکہ حکمراں لیگ کے پارلیمانی جماعتوں کے نظر انداز کرنے کے رویے اور انتقامی کارروائیوں کے خلاف آل پارٹیز کانفرنس بلائی جائے گی۔ ذرائع کا کہنا ہے کہ پیپلز پارٹی اپوزیشن جماعتوں کا گرینڈ الائنس قائم کرنے اور حکمراں لیگ کی پالیسیوں کے خلاف مشترکہ احتجاج کرنے بھی ان پارلیمانی اور دیگر جماعتوں سے مشاورت کرے گی اور حکومت کے خلاف پارلیمنٹ میں مذمتی قراردادیں بھی جمع کرائی جائیں گی، اگر ضروری سمجھا گیا تو پارلیمنٹ کے اجلاس کا بائیکاٹ بھی کیا جاسکتا ہے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.