عدالت عظمیٰ کا بیڈگورننس پراظہاربرہمی حکومت کیلئے انتباہ ہے‘اشرف بھٹی
خالی اشتہارات سے جعلی حکومت کاتشخص بہترنہیں ہوگا ،عوام کو ریلیف دیاجائے
جمعہ 27 نومبر 2015 18:49
لاہور(اُردو پوائنٹ اخبارتازہ ترین - آئی این پی۔27 نومبر۔2015ء)پیپلزپارٹی پارلیمنٹرین کے مرکزی رہنما محمد اشرف بھٹی نے کہا ہے کہ عدالت عظمیٰ کا بیڈگورننس پراظہاربرہمی ہمارے موقف کی تائید اورحکومت کیلئے انتباہ ہے۔حکمرانوں کاجھوٹاپروپیگنڈا بے نقاب ہوگیا ،وہ سچائی پرحاوی نہیں ہوسکتے ۔ حکمران کانچ کے گھر میں بیٹھ کردوسرو ں کامیڈیا ٹرائل کر رہے ہیں۔
حکمرانوں کی زندگی کے کئی متنازعہ پہلوؤں پرلوگ سوال اٹھاتے ہیں مگرانہیں کوئی جواب نہیں ملتا۔حکمران بھائیوں نے بیڈگورننس اوربدعنوانی میں اپناسابقہ ریکارڈتوڑدیا ۔پیپلزپارٹی سمیت جمہوری سیاسی قوتوں نے بیڈگورننس بارے اپنے شدید تحفظات کااظہار کیا مگرحکمرانوں کی روش نہیں بدلی۔وہ نادرآبادمیں ایک اجتماع سے خطاب کررہے تھے ۔(جاری ہے)
محمداشرف بھٹی نے مزید کہا کہ خالی اشتہارات سے جعلی حکومت کاتشخص بہترنہیں ہوگا ،عوام کا ریاستی نظام پراعتماد بحال کرنے انہیں ریلیف دیاجائے ۔
حکمران احتساب کے نام پرپیپلزپارٹی کے رہنماؤں سے سیاسی انتقام لے رہے ہیں۔ انہوں نے کہا کہ پنجاب میں ہونیوالی ریکارڈکرپشن کے باوجودنیب کی خاموشی ایک سوالیہ نشان ہے۔ حکمرانوں کے ہزارجھوٹ سے بھی حقیقت نہیں بدلے گی ،11مئی2013ء کے عام انتخابات کی طرح حالیہ بلدیاتی الیکشن میں بھی حکمران جماعت نے کامیابی کیلئے بڑے پیمانے پردھاندلی کاسہارا لیا۔انہوں نے کہا کہ ایک سازش کے تحت پیپلزپارٹی کے مینڈیٹ میں نقب لگائی گئی ۔لاہورکاایساکوئی صوبائی یاقومی اسمبلی کا حلقہ نہیں جہاں سے حکمران جماعت دھونس دھاندلی کے بغیر جیتی ہو۔انہوں نے کہا کہ عوامی عدالت کاسامناکرنے کے دعویدار این اے125میں سٹے کے پیچھے چھپے ہوئے ہیں مگرعنقریب انہیں ووٹوں کیلئے عوام کی دہلیز پرآناپڑے گا۔مزید اہم خبریں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.