ہواوے نے انتہائی تیزی سے چارج ہونے والی بیٹری ایجاد کر لی
ہفتہ 28 نومبر 2015 19:00
اسلام آباد(اُردو پوائنٹ اخبارتازہ ترین - آئی این پی۔28 نومبر۔2015ء) جدید ٹیکنالوجی میں سرفہرست عالمی کمپنی ہواوئے نے حال ہی میں نہایت تیزی سے چارج ہونے والی بیٹریاں ایجاد کر لی ہیں۔ ان سوپر چارجنگ بیٹریوں کو گذشتہ دنوں جاپان کے شہر ناگویا میں منعقد ہونے والی بین الاقوامی نمائش - 56th Battery Symposium 2015 کے دوران متعارف کروایا گیا ۔ Huawei نے اس جدید نوعیت کی دو مختلف بیٹریاں ایجاد کر لی ہیں ، جن میں ایک کی قوت 600 mAh ہے، اور دوسری بیٹری کی قوت 3000 mAh ہے ، ان دونوں بیٹریوں کی ایک خصوصی ویڈیو بھی نمائش کے دوران صارفین کو دکھائی گئی ، جس میں دیکھا جا سکتا ہے کہ 600 mAh والی بیٹری صرف 2 منٹ میں 68 فیصد چارج ہو جاتی ہے، جبکہ 3000 mAh والی بیٹری صرف پانچ منٹ میں 48 فیصد چارج ہو جاتی ہے۔
اتنی تھوڑی سی چارجنگ کے بعد یہ بیٹریاں Huawei کے موبائل فونز کو مسلسل 10 گھنٹے کی فون کالز تک چلاتی رہتی ہیں۔(جاری ہے)
ابھی تک Huawei نے یہ اعلان نہیں کیا کہ یہ سوپر چارجنگ بیٹریاں مارکیٹ میں دستیاب ہونے میں کتنا وقت لگے گا۔ مگر یہ بات یقینی ہے کہ یہ Lithium-ion بیٹریاں عام بیٹری کے مقابلے میں دس گنا زیادہ رفتار سے چارج ہوتی ہیں۔ صرف پانچ منٹ چارج کرنے پر یہ بیٹریاں 50 فیصد تک چارج ہو جاتی ہیں۔
یہ جدید بیٹریاں Watt لیبارٹری میں تخلیق کی گئی ہیں، جو چائنا میں قائم Huawei کے مرکزی تحقیقی ادارے کا حصہ ہے۔ تیز ترین چارجنگ کے باوجود ان بیٹریوں کی طویل المعیاد کارکردگی ، برقی روانی یا پائیداری میں کوئی فرق محسوس نہیں ہوتا۔ Huawei کے اعلیٰ عہدیدار نے کہا ہے کہ ؛ Huawei کو اس نئی ایجاد پر مکمل اعتماد ہے اور یہ بیٹریاں برقی آلات کی کارکردگی میں انقلابی تبدیلی لائیں گی، خصوصاً موبائل فونز ، برقی گاڑیوں، موبائل پاور سپلائی اور wearable devices میں نمایاں بہترین آئے گی۔ بہت جلد ہمارے برقی آلات کو چارج کرنے کے لئے اتنا مختصر وقت درکار ہو گا، جتنی دیر میں ہم کافی کا ایک کپ خریدتے ہیں۔تکنیکی ماہرین کے تجزیات کے مطابق، ان بیٹریوں کی مارکیٹ میں دستیابی اور وسیع پیمانے پر استعمال میں کچھ عرصہ ضرور لگ سکتا ہے، کیونکہ ان کو چارج کرنے والے آلات کا حجم کافی بڑا ہے، جو Huawei کی تیار کردہ خصوصی ویڈیو میں واضح طور پر دیکھا جا سکتا ہے۔ مگر اس کے باوجود ، یہ بیٹریاں جب بھی مارکیٹ میں دستیاب ہوں، یہ صارفین میں یقینا فوری مقبولیت حاصل کر لیں گی، اور مارکیٹ میں ان کی طلب بہت زیادہ ہو گی۔ یہ ایک انقلابی اقدام ہو گا، جس سے ثابت ہوتا ہے کہ Huawei واقعی عالمی سطح پر جدید ٹیکنالوجی کا سر فہرست ادارہ ہے، اور الیکٹرانک ٹیکنالوجی کے مستقبل کو مزید روشن بنا رہا ہے۔متعلقہ عنوان :
مزید تجارتی خبریں
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.