کے الیکٹرک نے انڈس اسپتال کے لیے ترجیحی بنیادوں پر KV 132 کنکشن اسکیم کی منظوری دیدی
ہفتہ 28 نومبر 2015 20:24
کراچی (اُردو پوائنٹ اخبارتازہ ترین - این این آئی۔28 نومبر۔2015ء) کے الیکٹرک نہایت مسرت کے ساتھ یہ اعلان کرتا ہے کہ پاور یوٹیلیٹی اپنے سسٹین ایبیلٹی مینجمنٹ پروگرام کے تحت انڈس اسپتال کوترجیحی بنیادوں پر 132KV کا کنکشن فراہم کرے گی جوصرف اسپتا ل کے لیے وقف ہو گا۔ کے الیکٹرک پہلے ہی اسپتال کو رعایتی نرخوں پر بجلی فراہم کررہا ہے جہاں یہ اسپتال اپنے مریضوں کو بالکل مفت اور انسانی ہمدردی کی بنیادوں پر خدمت فراہم کرتا ہے۔
یہ نیا پروجیکٹ انڈس اسپتال کے لئے بلارکاوٹ اور قابل اعتماد بجلی کی فراہمی کو یقینی بنائے گا ۔کے الیکٹرک اس عظیم مقصد کی بھرپور حمایت کرتا ہے کیونکہ انڈس اسپتال ایک غیر منافع بخش ادارہ ہے جو مریضوں کو مفت علاج معالجہ کی خدمات فراہم کر رہا ہے اور اب ایک اکیڈمک میڈکل کمپلیکس بننے والا ہے۔(جاری ہے)
اس اسپتا ل میں 1,500بستروں کی گنجائش کے علاوہ آپریشن تھیٹرز اور ایک میڈیکل کالج کی توسیع شامل ہے جس کے باعث بجلی کی طلب میں اضافہ ہوجائے گا۔
کے الیکٹرک کے سی ای او طیب ترین نے انڈس اسپتال کی کوششوں کو سراہتے ہوئے کہاکہ انڈس اسپتال اور کے الیکٹرک ترقی کی راہ میں پارٹنرز رہے ہیں اور کے الیکٹرک کو اس نیک مقصد کے لیے ترجیحی بنیادوں پر اپنی سپورٹ میں اضافہ کرنے پر خوشی ہے۔کے الیکٹرک اپنے مختلف سی ایس آر اقدامات کے ذریعے ہر وقت سوسائٹی میں سرمایہ کاری کرنے کیلئے تیاررہتا ہے اور آگے بھی یہ سلسلہ جاری رہے گا ۔اس موقع پر انڈس اسپتال کے چیف ایگزیکٹو آفیسر عبدالباری خان نے کے الیکٹرک کے کوششوں کی تعریف کرتے ہوئے کہاہم کے الیکٹرک کا شکریہ ادا کرتے ہیں اور امید کرتے ہیں کہ ان کے تعاون میں مزید اضافہ ہوگا اور ہم اس ملک کی اور اس ملک کے لوگوں کی دیانتداری، وقف اورذمہ داری کے ساتھ خدمت کرتے رہیں گے۔کے الیکٹرک پاکستان کا پہلا یوٹیلیٹی ادارہ ہے جو گلوبل رپورٹنگ انیشیاٹیوز کی جانب سے اپنے ماحول کی پائیداری، سماجی اور گورننس کی اقدار اور تخلیقی فلسفہ کے لیے ایک عزم کے باعث’’اے‘‘ ریٹنگ حاصل کر چکا ہے۔پاور یوٹیلیٹی دیگر غیر منافع بخش اداروں مثلاً ایس آئی یو ٹی، کڈنی سینٹر،میری ایڈیلیڈ لیپروسی سینٹر، لیڈی ڈفرن اسپتال، ٹی سی ایف، ایل آر بی ٹی اور دیگرکو بھی مفت یا ارزاں نرخوں پر بجلی فراہم کرتا ہے۔متعلقہ عنوان :
مزید اہم خبریں
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.