کراچی آپریشن مکمل امن وامان تک جاری رہنا چاہیے ،حلیم عادل شیخ
الیکشن کے روز تشددپسند عناصر ماحول کو خراب کرنے کے لیے انتشار کی کیفیت پیدا کرسکتے ہیں،رہنما مسلم لیگ (ق)
ہفتہ 28 نومبر 2015 20:32
کراچی (اُردو پوائنٹ اخبارتازہ ترین - این این آئی۔28 نومبر۔2015ء) مسلم لیگ سندھ کے صدر حلیم عادل شیخ نے کراچی میں بلدیاتی انتخابات کے موقع پربدامنی کے خدشے پر بات چیت کرتے ہوئے کہا ہے کہ الیکشن کے روز تشددپسند عناصر ماحول کو خراب کرنے کے لیے انتشار کی کیفیت پیدا کرسکتے ہیں ایسے میں شہری اور متعلقہ سیاسی جماعتوں کے ا میدوار اپنے ارد گرد نظر رکھیں اور قانون نافذ کرنے والے اداروں کو اس کی خبر کریں ،بلدیاتی انتخابات میں عوام اپنے ووٹ کا استعمال کرتے وقت صبر اوربرداشت کا دامن ہاتھ سے نہ چھوڑیں کیونکہ اس ملک میں کسی بھی ترقیاتی عمل سے پہلے امن وامان کا ہونا ضروری ہے ، امن کی فضاء کے بغیر ملک کو ترقی کی راہ پر ڈالنا ممکن نہیں ہے ،ماضی میں کراچی کو بدامنی اور ہڑتالوں نے ملک کو اربوں روپے کا نقصان پہنچایا،جس کی وجہ سے بدامنی کے ماحول میں تاجر برادری اور وعوام کے لیے جینا مشکل ہوچکاتھا اس وقت امن وامان کے لیے پوری قوم کی نظریں افواج پاکستان کی جانب سے لگی ہوئی ہیں کراچی آپریشن اور ضرب عضب کو مکمل کامیابی سے پہلے رکنا نہیں چاہیے کیونکہ اس سے قوم کا پرامن مستقبل وابستہ ہے ،پاکستان دس سال سے زیادہ کے عرصہ تک دہشت گردی کا شکار رہاہے آج ضرب عضب اور کراچی آپریشن ملکی سلامتی کی ضمانت بن چکاہے جس کے لیے عوام کا یہ مطالبہ ہے کہ ضرب عضب کو آخری دہشت گرد کے خاتمے تک جاری رہنا چاہیے ،ان خیالات کااظہار انہوں نے مسلم لیگ سندھ کے رہنما انور کشمیری اور سلطان بھٹی کے ساتھ آئے ہوئے وفد سے ملاقات میں کیا ،حلیم عادل شیخ کا کہنا تھا کہ افواج پاکستان کی خدمات ملک اور قوم کا قیمتی اثاثہ ہیں ہم ان تمام اداروں کی دل سے قدر کرتے ہیں جو اپنی جان جوکھوں میں ڈال کر اس ملک کی حفاظت کرنے میں لگے ہوئے ہیں ،بعد ازاں انہوں نے خاتون رہنما کوثر بی بی سے بھی صوبائی سیکرٹریٹ میں ملاقات کی اور عوامی مسائل سنیں،انہو ں نے کہا کہ ہمارا کسی بھی سیاسی جماعت سے کوئی اختلاف نہیں ہے جب ہم حکومت میں تھے تو ہمیشہ عوامی خدمت کی اور آج اپوزیشن میں رہتے ہوئے بھی مثبت تنقید کرنے کو اپنا حق سمجھتے ہیں ،مگر اس کا یہ مطلب ہر گز نہیں ہونا چاہیئے کہ اس سے ہماری کسی سے کوئی عداوت ہوسکتی ہے ۔
متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.