نوجوانوں کی ترقی کے لئے کردار کا اعتراف
پولیو ویکسین دینے کے لئے ہر بچے تک پہنچنے کا عزم کر رکھا ہے، وزیراعظم کا کانفرنس سے خطاب
اتوار 29 نومبر 2015 13:46
ویلیٹا(اُردو پوائنٹ اخبارتازہ ترین۔29 نومبر۔2015ء) دولت مشترکہ یوتھ کونسل نے وزیراعظم محمد نواز شریف کو انکی پاکستان اور دولت مشترکہ بھر کے نوجوان طبقہ کی ترقی کیلئے کردار کے اعتراف میں توصیفی ایوارڈ پیش کیا۔ وزیراعظم محمد نواز شریف کو یہ ایوارڈ دولت مشترکہ سربراہان مملکت اور نوجوان قائدین کے ڈائیلاگ سیشن کے دوران پیش کیا گیا۔ یوتھ کونسل دولت مشترکہ کے 53 رکن ممالک کے ایک ارب 20 کروڑ سے زائد نوجوانوں کی نمائندہ ہے۔
دریں اثناء وزیراعظم محمد نوازشریف نے کہا ہے کہ پاکستان نے دنیا کو پولیو سے پاک کرنے کا عزم کر رکھا ہے اور اس بیماری کے خاتمہ کو قومی مقصد بنایا ہے۔ پاکستان سے پولیو کے مکمل خاتمہ تک ہم چین سے نہیں بیٹھیں گے اور پوری قوم اس مقصد کیلئے متحد ہے۔(جاری ہے)
انہوں نے ان خیالات کا اظہار دولت مشترکہ سیکرٹریٹ کے زیراہتمام ’’پولیو موومنٹ‘‘ اجلاس سے خطاب کرتے ہوئے کیا جو دولت مشترکہ حکومتی سربراہان کے اجلاس کے موقع پر منعقد ہوا۔
وزیراعظم نے کہا کہ پاکستان نے مہلک بیماری سے آئندہ نسل کو بچانے کیلئے متعدد اقدامات اٹھائے ہیں اور وہ ذاتی طور پر پولیو کے خاتمہ سے متعلق نیشنل ٹاسک فورس کی قیادت کر رہے ہیں۔ انہوں نے کہاکہ انسداد پولیو کی قومی مہم میں بہتر طور پر آگاہ والدین کی حکمت عملی، ہیلتھ ورکرز کے ہراول دستے کاپرعزم نیٹ ورک اور معاون طبی معالجین، سول سوسائٹی، مذہبی اکابرین اور میڈیا شامل ہیں۔ انہوں نے کہا کہ اس وقت پاکستان میں سکیورٹی کا بہترڈھانچہ موجود ہے جو ملک بھر کے تمام بچوں تک عملی رسائی کے لئے معاونت فراہم کر رہا ہے جو ہیلتھ ورکرز کے ہراول دستے کیلئے تحفظ کو یقینی بنا رہا ہے۔ وزیراعظم محمد نواز شریف نے کہا کہ ہر بچے تک پہنچنا حکومت کی اولین ترجیح ہے تاکہ ملک کی سطح پر پولیو مہم کے دوران کوئی بچہ انسدادپولیو ویکسین کے قطرے پیئے بغیر نہ رہے۔ انہوں نے پولیو وائرس کی منتقلی روکنے کو اہمیت کا حامل قرار دیا۔ وزیراعظم نے اس بات پراطمینان کا اظہار کیا کہ پاکستان پولیو کیسز کی تعداد میں نمایاں کمی لانے میں کامیاب ہوا ہے۔ انہوں نے تقریب کا اہتمام کرنے پر دولت مشترکہ سیکرٹریٹ کی کوششوں کو سراہا اور کہا کہ پاکستان پولیو کے خاتمہ کی کوششوں میں دولت مشترکہ کے تعاون کا خواہاں ہے۔متعلقہ عنوان :
مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.