مہذب دنیا مقبوضہ کشمیر میں انسانی حقوق کی سنگین پامالیاں بند کروائے‘وزیراعظم آزاد کشمیر
پیر 30 نومبر 2015 13:36
اسلام آباد(اُردو پوائنٹ اخبارتازہ ترین - این این آئی۔30 نومبر۔2015ء) وزیر اعظم آزادحکومت ریاست جموں وکشمیرچوہدری عبدالمجیدنے کہا کہ مقبوضہ کشمیر میں قابض بھارتی فورسز کے ہاتھوں انسانی حقوق کی سنگین پامالیاں انسانی حقوق کی عالمی تنظیموں کے لیے لمحہ فکریہ ہیں مہذب دنیا مقبوضہ کشمیر میں انسانی حقوق کی سنگین پامالیاں بند کروائے اور بھارت کے قابض اور غاصب حکمرانوں کو ریاستی دہشت گردی کے ذریعے کشمیریوں کے حقوق غصب کرنے سے باز رکھے۔
وزیراعظم آزادکشمیر چوہدری عبدالمجید یہاں کشمیر ہاؤس میں برطانوی این جی او کے ایک وفد سے بات چیت کررہے تھے۔وزیراعظم آزادکشمیر نے کہا کہ بھارت نے مقبوضہ کشمیر کوملٹری کیمپ میں تبدیل کررکھا ہے اور بھارت کی آٹھ لاکھ پیرا ملٹری فورسز خواتین کے خلاف مظالم کو جنگی ہتھیار کے طور پر اختیار کررکھا ہے جوخواتین کی بین الاقوامی تنظیموں کے لیے یہ ایک چیلنج ہے ۔(جاری ہے)
وزیراعظم آزادکشمیر نے کہاکہ مقبوضہ کشمیرکے عوام نے بھارت کے غیر قانونی تسلط کے خاتمے کے لیے جدوجہد جاری رکھی ہوئی ہے اور سات لاکھ سے زائد کشمیریوں نے اپنا لہو کا نذرانہ دیا ہے۔تحریک آزادی کے بیس کیمپ کی حکومت کشمیری شہداء کے لہو کو رائیگاں نہیں جانے دے گی۔تحریک آزادی کے بیس کیمپ کی حکومت اور عوام مقبوضہ کشمیر سے بھارت کے غیر قانونی تسلط کے خاتمے تک عالمی سطح پر اپنی کوششیں جاری رکھے گی۔
وزیراعظم نے کہاکہ وزیراعظم پاکستان میاں محمد نواز شریف،آرمی چیف جنرل راحیل شریف نے کشمیریوں کے ایشو کے حوالے سے جرات مندانہ اور حقیقت پسندانہ موقف اختیار کیا جس پر دونوں اطراف کی کشمیری قیادت اور عوام وزیراعظم پاکستان اور آرمی چیف کو خراج تحسین پیش کرتے ہیں ۔وزیراعظم آزادکشمیر نے کہاکہ کشمیر ایشو آر پار کی قیادت کا یک نقاتی ایجنڈا ہے حق خودارادیت کے حصول تک کشمیریوں کی جدوجہد کو ختم نہیں کیا جاسکتا۔وزیراعظم آزادکشمیر نے کہا کہ بیس کیمپ کی حکومت کشمیری شہداء کے لہو کی وارث ہے بیس کیمپ کی حکومت نے آل پارٹیز حریت کانفرنس کی ڈکٹیشن ، موثر رابطے اور باہمی مشاورت سے حکمت عملی اختیار کررکھی ہے کشمیر ی شہداء کا لہو رنگ لا کررہے گا۔ وزیراعظم نے بین الاقوامی تنظیموں اور تارکین وطن کی مسئلہ کشمیر کے حوالے سے کوششوں کو سراہا اور کہاکہ برطانیہ میں مقیم تارکین وطن سیاسی وابستگیوں سے بالا تر ہوکر اپنی کوششیں جاری رکھیں اور اقوام عالم کو مقبوضہ کشمیر میں کالے قوانین کے نفاذ کی آڑ میں کشمیریوں کی نسل کشی سے آگاہ کریں-متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.