آرکینسا ‘ ٹیکساس، اوکلاہوما اور کینساس میں شدید بارش اور برفباری 14 افراد ہلاک ‘70ہزارگھروں اور تجارتی مراکزکی بجلی بند

عمر جمشید پیر 30 نومبر 2015 14:42

ہیوسٹن(اُردو پوائنٹ تازہ ترین ۔۔ آئی پی اے ۔۔30 نومبر۔2015ء) امریکہ میں طوفان سے ریاست آرکینسا کے علاقوں، شمالی ٹیکساس، اوکلاہوما اور کینساس میں شدید بارش اور برفباری جبکہ طوفان کے باعث اب تک ٹیکساس اور کینساس میں 14 افراد ہلاک ہو چکے ہیں۔حکام نے کہا ہے کہ اوکلاہوما میں شدید بارش اور برف جمنے کے باعث بجلی کی فراہمی میں خلل پیدا ہونے کے گزشتہ روز70 ہزار گھروں اور تجارتی مراکز میں بجلی بند رہی۔

(جاری ہے)

حکام کے مطابق قریبی ریاست کینساس میں 10 ہزار گھروں میں بجلی بند تھی۔شمالی ٹیکساس اور آرکینسا میں بارش کے بعد دریاوٴں میں طغیانی کے باعث مزید سیلاب کا امکان ہے جس سے نمٹنے کے لیے انتطامات کیے جا رہے ہیں۔ روکی ماوٴنٹینز میں ایک اور طوفان پیدا ہوا جو امریکہ کے شمالی میدانی علاقوں سے ہوتا ہوا شمالی مشرقی علاقوں کی طرف بڑھ رہا ہے۔موسمیاتی پیشن گوئی کرنے والے اداروں کا کہنا ہے کہ بدھ تک ایک بڑے علاقے میں 30 سینٹی میٹر تک برفباری ہو سکتی ہے۔