راولپنڈی کے تین بڑے کالجزمیں پرنسپلز کی تعیناتی کا نوٹیفیکیشن دسمبر کے پہلے ہفتے جاری ہوگا

پیر 30 نومبر 2015 15:05

راولپنڈی(اُردو پوائنٹ اخبارتازہ ترین - آن لائن۔30 نومبر۔2015ء)مستقل پرنسپل سے محروم راولپنڈی کے تین بڑے بوائزکالجوں میں پرنسپلز کی تعینات کا نوٹیفیکیشن دسمبر کے پہلے ہفتے جاری کیا جائیگا ،گورڈن ، اصغرمال اور خیابان سرسد کالج میں مستقل پرنسپلز کی تعیناتی کیلئے انٹرویو پہلے ہی مکمل ہوچکے ہیں۔

(جاری ہے)

ذرائع کے مطابق مستقل پرنسپلز سے محروم کالجوں گورڈن ، اصغر مال اور خیابان جن کا راولپنڈی کے سب سے بڑے کالجوں میں ہوتا ہے ، تین سینئر پروفیسرز کے پینل کے انٹرویو مکمل ہو چکے ہیں یہ انٹرویوز سیکرٹری ہائر ایجوکیشن کمیشن عرفان الہٰی نے لاہور میں لئے تھے ، اس میں عارضی تعینات پروفیسر محمد علی بھٹی ، محمد اسلم جاوید اور خوشی محمود شامل تھے ،پوسٹ گریجویٹ اصغر مال کالج کیلئے عبدالکبیر محسن، پروفیسر الطاف احمد ، پروفیسر مسعود الرحمن جبکہ ڈگری کالج خیابان سرسید کے پرنسپل کے لئے پروفیسر شفیق ڈار، نعمت اللہ ہاشمی ، ڈاکٹر نذر سے بھی انٹرویو لئے گئے ۔

پرنسپلز کی تعینات کی دوڑ میں مذکورہ تمام پروفیسرز شامل ہیں اور ان میں کامیاب ہونیوالے امیدواروں کی تعینات کا نوٹیفیکیشن دسمبر کے رواں ہفتے جاری کیا جائے گا۔

Facebook Twitter Google + Share on Whatsapp

راولپنڈی کے تین بڑے کالجزمیں پرنسپلز کی تعیناتی کا نوٹیفیکیشن دسمبر کے پہلے ہفتے جاری ہوگا

مزید تعلیم کی خبریں