سست کو ٹرانزٹ بارڈر قرار دیکر وی بوک سسٹم کے ذریعے تمام پورٹس کے ساتھ منسلک کیا جائے

لاہور چیمبر کی نشاندہی پر وزارت کمیونیکیشن کی مراسلے کے ذریعے فیڈرل بورڈ آف ریونیو کو ہدایت جاری

پیر 30 نومبر 2015 17:07

لاہور ( اُردو پوائنٹ اخبارتازہ ترین - این این آئی۔30 نومبر۔2015ء) لاہور چیمبر آف کامرس اینڈ انڈسٹری کی نشاندہی پر وزارت کمیونیکیشن نے ایک مراسلے کے ذریعے فیڈرل بورڈ آف ریونیو کو ہدایت جاری کی ہے کہ سست کو ٹرانزٹ بارڈر قرار دیکر وی بوک سسٹم کے ذریعے تمام پورٹس کے ساتھ منسلک کیا جائے۔ وزارت کمیونیکیشن کی جانب سے فیڈرل بورڈ آف ریونیو کے نام جاری کردہ مراسلہ بورڈ سے کہا گیا ہے کہ سست کو ٹرانزٹ بارڈر قرار دینے کے لیے ضروری اقدامات اٹھاکر سست بارڈر اور دیگر پورٹس پر کلیئرنس کے عمل کو باہم منسلک کیا جائے۔

لاہور چیمبر آف کامرس اینڈ انڈسٹری کے صدر شیخ محمد ارشد کی جانب سے وزارت کمیونیکیشن کو لکھے گئے خط میں کہا گیا تھا کہ پاکستان نے چین، قازقستان اور کرغستان کے ساتھ ست بارڈر اور کراچی پورٹ کے درمیان تجارت اور انسپورٹ کی سہولیات مہیا کرنے کے معاہدے کررکھے ہیں جو 2004ء سے نافذ العمل ہیں۔

(جاری ہے)

چینی ٹرکوں کے ذریعے پاکستان کے لیے بہت کم درآمدی اور برآمدی مال آتا جاتا ہے جبکہ پاکستانی ٹرانسپورٹ وہیکلز چین کے ذریعے قازقستان اور کرغستان نہیں جاتے۔

انہوں نے کہا کہ ابھی تک کسٹمز ڈیپارٹمنٹ کی جانب سے کسی ایس آر او کے ذریعے سست کو ٹرانزٹ بارڈر قرار نہیں دیا گیا۔ خط کے مطابق پاکستان پہلے ہی اقوام متحدہ کے کنونشن برائے انٹرنیشنل ٹرانسپورٹ آف گڈز اور ڈبلیو ٹی او کے تجارتی سہولیاتی معاہدے کی توثیق کرچکا ہے۔ سست کو باقاعدہ ٹرانزٹ بارڈر قرار دیکر وی بوک سسٹم کے ذریعے تمام پورٹس سے منسلک کرنا تجارتی حوالے سے ایک بہت بڑی پیش رفت ہوگی۔

Facebook Twitter Google + Share on Whatsapp

سست کو ٹرانزٹ بارڈر قرار دیکر وی بوک سسٹم کے ذریعے تمام پورٹس کے ساتھ منسلک کیا جائے

لاہور چیمبر کی نشاندہی پر وزارت کمیونیکیشن کی مراسلے کے ذریعے فیڈرل بورڈ آف ریونیو کو ہدایت جاری

مزید تجارتی خبریں