بھولا گجر قتل کیس میں وزیر قانون رانا ثنا اﷲ کو بے گناہ قرار دیدیا گیا،دوبارہ تفتیش کی رپورٹ انسداد دہشتگردی عدالت میں جمع

انکوئری رپورٹ جمع کروانے سے پہلے ایس ایس پی آپریشنز نے آئی جی پنجاب مشتاق سکھیرا کو اعتماد میں لیا ‘ذرائع

پیر 30 نومبر 2015 18:15

فیصل آباد/لاہور( اُردو پوائنٹ اخبارتازہ ترین - این این آئی۔30 نومبر۔2015ء )لاہور (بھولا گجر قتل کیس میں وزیر قانون رانا ثنا اﷲ کو بے گناہ قرار دیدیا گیا،پولیس نے دوبارہ تفتیش میں نوید کمانڈو کے اعتراف جرم پر وزیر قانون پنجاب رانا ثنا اﷲ کے خلاف بیانات کو ناکافی شواہد قرار دیتے ہوئے رپورٹ انسداد دہشت گردی کی عدالت میں جمع کروا دی ۔ذرائع کے مطابق تفتیشی آفیسر عرفان اﷲ خان کی جانب سے جمع کروائی گئی رپورٹ میں کہا گیا ہے کہ نوید کمانڈو نے پولیس اور عدالت کو اعتراف جرم کا بیان دیا کہ اس نے بھولا گجر کو قتل رانا ثنا اﷲ کے کہنے پر کیا اور عدالت نے اسی بیان کی روشنی میں رپورٹ جمع کروانے کا کہا جس پر وزیر قانون رانا ثنا اﷲ اور پولیس افسران سمیت 21 افراد کے بیانات قلمبند کئے گئے ۔

(جاری ہے)

ذرائع کا کہنا ہے کہ پولیس رپورٹ میں کہا گیا ہے کہ نوید کمانڈو اپنے الزامات کا ثبوت فراہم نہیں کر سکا اور وزیر قانون سمیت دیگر افراد کے اس قتل کیس میں ملوث ہونے بارے شواہد نہیں ملے ۔ پولیس کو عدالتی مثل کا حصہ بنا دیا گیا ہے اور عدالت ذرائع کے مطابق دودسمبر کو تفتیشی آفیسر ایس ایس پی آپریشنز کو دوبارہ طلب کیا گیا ہے۔ ذرائع کے مطابق انکوئری رپورٹ جمع کروانے سے پہلے ایس ایس پی آپریشنز نے آئی جی پنجاب مشتاق سکھیرا کو اعتماد میں لیا جس کے بعد رپورٹ عدالت میں جمع کرائی گئی ۔

Facebook Twitter Google + Share on Whatsapp

بھولا گجر قتل کیس میں وزیر قانون رانا ثنا اﷲ کو بے گناہ قرار دیدیا گیا،دوبارہ تفتیش کی رپورٹ انسداد دہشتگردی عدالت میں جمع

انکوئری رپورٹ جمع کروانے سے پہلے ایس ایس پی آپریشنز نے آئی جی پنجاب مشتاق سکھیرا کو اعتماد میں لیا ‘ذرائع

مزید قومی خبریں