کراچی، باشعور شہری شعبدہ بازوں کے اعلانات سے پرہیز کریں یہی صحتمند اور توانا کراچی کے لئے ضروری ہے،علی اکبر گجر
پیر 30 نومبر 2015 18:35
کراچی(اُردو پوائنٹ اخبارتازہ ترین - این این آئی۔30 نومبر۔2015ء) پاکستان مسلم لیگ(ن) سندھ کے نائب صدر علی اکبر گجر نے کہا ہے کہ کراچی کے باشعور شہری شعبدہ بازوں کے اعلانات سے پرہیز کریں یہی صحتمند اور توانا کراچی کے لئے ضروری ہے․سندھ کی معاشی ترقی کا آغاز کراچی میں مسلم لیگ(ن) کی منتخب بلدیاتی قیادت کے ہاتھوں سے ہوگا․ میاں محمد نواز شریف کے نامزد امیدوار کراچی کو دنیا کا سب سے خوبصورت، صا ف ستھرا اور ترقی یافتہ شہر بنائیں گے․ کراچی کے مستقبل کیساتھ تجربے کرنے والوں کے لئے سندھ سمیت ملک بھر میں کہیں کوئی گنجائش نہیں․ حکمران جماعت پاکستان مسلم لیگ(ن) کے صوبائی نائب صدر علی اکبر گجر نے کراچی ضلع شرقی کی یونین کونسل نمبر21 برمی کالونیکے لئے پارٹی کے امیدوار برائے چیئرمیں محمد الیاس کے انتخابی دفتر کے افتتاح کے موقع پر کارکنوں اور علاقہ مکینوں کی بڑی تعداد سے خطاب کرتے ہوئے کہا کہ ضلع کورنگی کراچی کا دوسرا ڈیفنس بنے گا جس کے لئے پاکستان مسلم لیگ(ن) کے تمام بلدیاتی امیدواروں نے لائحہ عمل طے کر لیا ہے․ سندھ پر تیس سالوں سے مطلق العنان حکمرانی کرنے والوں نے شاہ عبد الطیف بھٹائی کی دھرتی کو موئنجو دڑو بنا دیا ہے․ پاکستان مسلم لیگ(ن) ضلع کورنگی کے صدر علی عاشق گجر نے یونین کونسل نمبر21 برمی کالونی کورنگی ٹاؤن کے لئے پارٹی کے چیئرمین کے امیدوار محمد الیاس کی کامیابی کے لئے حلقہ کے ووٹرز سے اپیل کرتے ہوئے کہا کہ کورنگی کراچی کا سب سے زیادہ پسماندہ ضلع ہے حالانکہ ملک کی بڑی صنعتیں بھی اس ضلعے میں ملکی معیشت کی بہتری کے لئے بھرپور کردار ادا کر رہی ہیں لیکن اس ضلع کی بلدیاتی صورتحال انتہائی ناگفتہ بہہ ہے․ اہم ترین صنعتی علاقے میں بد ترین بلدیاتی صورتحال کی وجہ سے صنعتی برادری بھی پریشان ہے․کورنگی کے عوام پاکستان مسلم لیگ(ن) کے امیدواروں کو کامیاب کروائیں اور کورنگی کو کراچی کے ترقی یافتہ اضلاع کے برابر لانے کی ضمانت ہم دیتے ہیں․ پاکستان مسلم لیگ(ن) سندھ کے نائب صدر علی اکبر گجر کے علاوہ مسلم لیگ(ن) ضلع کورنگی کے صدر علی عاشق گجر، یونین کونسل کورنگی نمبر21 کے لئے پاکستان مسلم لیگ(ن) کے امیدوار برائے چیئرمین محمد الیاس کے علاوہ برکت اﷲ صدیقی، سردار نذیر، محمد طاہر ہنجرا، فصیح الرحمن ،کونسلر نصرت ، چوہدری لیاقت آرائیں، محمد جاوید،راؤ محمد جمیل نے بھی بلدیاتی انتخابات کے حوالے سے دفتر کے افتتاح اور اجتماع میں شرکت کی․ پاکستان مسلم لیگ(ن) کے امیدوار برائے چیئرمین یونین کونسل نمبر32 محمد الیاس نے اجتماع کے شرکا سے خطاب کرتے ہوئے کہا پاکستان مسلم لیگ(ن) کے امیدواروں کو جب بھی آپ نے خدمت کا موقع دیا ہم نے ثابت کیا کہ ہم اپنے قائد میاں محمد نواز شریف کے ترقی کے ایجنڈے کے سوا کوئی دعوی نہیں کرتے اور نہ ہی اپنے ووٹرز کو بے یارو مددگار چھوڑتے ہیں․
متعلقہ عنوان :
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.