صوبائی حکومت صوبے میں مذہبی ہم آہنگی، مذہبی رواداری ،بھائی چارے کی فضاء کے فروغ کیلئے اقدامات اٹھا رہی ہے،وزیراعلیٰ بلوچستان
پیر 30 نومبر 2015 21:18
کوئٹہ(اُردو پوائنٹ اخبارتازہ ترین - این این آئی۔30 نومبر۔2015ء) وزیراعلیٰ بلوچستان ڈاکٹر عبدالمالک بلوچ نے کہا ہے کہ مخلوط صوبائی حکومت صوبے میں مذہبی ہم آہنگی، مذہبی رواداری اور بھائی چارے کی فضاء کے فروغ کے لیے اقدامات اٹھا رہی ہے، صوبائی دارلحکومت میں نظام صلوٰۃ کے نفاذ کے لیے تمام مکاتب فکر کے علماء کرام اور مسالک سے مشاورت کرے گی ، ان خیالات کا اظہار انہوں نے وفاقی وزیر مذہبی امور سردار محمد یوسف سے گفتگو کرتے ہوئے کیا، وزیراعلیٰ نے کہا کہ مخلوط حکومت صوبے میں مذہبی ہم آہنگی، مذہبی رواداری اور بھائی چارے کے فروغ کے لیے اقدامات اٹھا رہی ہے، گذشتہ دو سال میں صوبے میں فرقہ وارانہ تشدد میں بتدریج کمی آئی ہے، امن و امان کی صورتحال میں نمایاں بہتری آنے سے صوبے سے نقل مکانی کرے والے ہندو برادری واپس آرہی ہے، ماضی میں صوبے کا وسیع علاقہ نو گو ایریا بن گیا تھا اب بلوچستان کی تمام قومی شاہراہیں محفوظ ہو گئی ہیں، جرائم میں نمایاں کمی سے عوام کا حکومت پر اعتماد بحال ہوگیا ہے، ڈاکٹر عبدالمالک بلوچ نے کہا کہ جمہوریت کے تسلسل سے ہی گڈ گورننس بہتر اورا دارے مستحکم ہو نگے، جمہوری نظام خود اصلاح کا ایک بہتر اور موثر ذریعہ ہے، اس موقع پر گفتگو کرتے ہوئے وفاقی وزیر مذہبی امور سردار محمد یوسف نے ڈاکٹر عبدالمالک بلوچ اور صوبائی حکومت کے امن و امان سے متعلق اقدامات کی تعریف کرتے ہوئے کہا کہ صوبائی حکومت اور وزیراعلیٰ کی کارکردگی کا پورا ملک معترف ہے، جبکہ گڈ گورننس ، اداروں کے استحکام کے لیے اقدامات قابل ستائش ہیں، انہوں نے کہا کہ ماضی اور حال کے بلوچستان میں نمایاں فرق ہے، انہوں نے کہا کہ وفاقی دارلحکومت کی طرح چاروں صوبائی دارلحکومت میں نظام صلوٰۃ کا نفاذ کیا جائے تاکہ ملک میں مذہبی ہم آہنگی اور بھائی چارے کی فضاء کو فروغ حاصل ہو، وزیراعلیٰ نے وفاقی وزیر کو یقین دلایا کہ صوبائی حکومت صوبائی دارلحکومت میں نظام صلوٰۃ کے نفاذ کے لیے تمام مسالک اور مکاتب فکر کے علماء کرام سے مشاورت کے بعد اس کا نفاذ کرے گی۔
متعلقہ عنوان :
مزید اہم خبریں
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
گزشتہ دورحکومت میں پنک راک سالٹ مائنز کی غیرقانونی الاٹمنٹ کا کیس نیب کو بھیجنےکا فیصلہ
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.