ڈاکٹر خالد محمود سومرو کے قاتلوں کو سندھ حکومت تاحال گرفتارکرنے میں ناکام گئی ہے ، حافظ حسین احمد
ڈاکٹر خالد محمود کاقتل دہشت گردی ہے اور ڈاکٹر خالد کے قتل کا کیس دہشت گردی کی عدالت میں چلایا جائے حکومت سہولت کاروں کو بچانا چاہتی ہے
پیر 30 نومبر 2015 23:06
جیکب آباد (اُردو پوائنٹ اخبارتازہ ترین - این این آئی۔30 نومبر۔2015ء ) جمعیت علمائے اسلام کے مرکزی سیکریٹری اطلاعات حافظ حسین احمد نے کہاہے کہ ڈاکٹر خالد محمود سومرو کے قاتلوں کو سندھ حکومت تاحال گرفتارکرنے میں ناکام گئی ہے ڈاکٹر خالد محمود کاقتل دہشت گردی ہے اور ڈاکٹر خالد کے قتل کا کیس دہشت گردی کی عدالت میں چلایا جائے حکومت سہولت کاروں کو بچانا چاہتی ہے ان خیالات کا اظہار انہوں نے جیکب آباد میں جے یو آئی جیکب آبادکے ضلع امیرڈاکٹر اے جی انصاری کی رہائش گاہ پر کیا اس موقع پرآغا محمد ایوب،مولوی محمد عارف ،حماد اﷲ انصاری،تاج محمود امروٹی ،محمد موسیٰ مہر ودیگر موجود تھے حافظ حسین احمد نے کہاکہ لاڑکانہ میں ٹھاٹھیں مارتا سمندر انتخابات سے پہلے ریفرنڈم ہے ایک سال گزرنے کے باوجود اب تک قاتلوں کو کیفر کردارتک نہیں پہنچایاگیا21ویں ترمیم کے تحت بنائے گئے ایکشن پلان کی جے یوآئی نے مخالفت کی تھی جبکہ پی پی ،ایم کیوایم اور مسلم لیگ ن نے حمایت کی اوروہی آج شور مچارہے ہیں،انہوں نے کہاکہ دہشت گردی دہشت گردی ہے وہ چاہے مندر میں ہویامسجد میں یا گرجاگھر میں اس کی کوئی شناخت نہیں ،انہوں نے کہاکہ ایپکس کمیٹی اورفوجی عدالتوں کی جن جماعتوں نے حمایت کرکے اپنے اختیارات ان کے سپرد کیے آج وہی رورہے ہیں ایک سوال کے جواب میں انہوں نے کہاکہ آصف زرداری نے سندھ کا دارلخلافہ دوبئی کو بنادیا ہے جہاں سندھ حکومت کے اجلاس ہورہے ہیں قائم علی شاہ نے جے یوآئی سے کیے گئے وعدے پورے نہیں کیے ڈاکٹر خالد محمود کا قتل کیس فوجی عدالت میں چلایا جائے اس میں تاخیر کرکے حکومت قتل میں سہولت کاروں کو بچانے کی کوشش کررہی ہے اس سے یہ معلوم ہوتاہے کہ اس قتل کے پیچھے پس پردہ بھی کچھ لوگ ہیں جن کے اقتدارکو ڈاکٹر خالد محمود سومرو سے خطرہ تھاکیونکہ ڈاکٹر خالدمحمود سومرو نے 60ہزار سے زائد ووٹ لیے تھے ،انہوں نے کہاکہ کل لاڑکانہ جام تھا آنے والے دنوں میں پورا سندھ بھی جام ہوسکتاہے ،حافظ حسین احمد نے لاڑکانہ میں شہداء اسلام کانفرنس کو میڈیامیں کوریج نہ ملنے کا شکوہ کرتے ہوئے کہاکہ ہم میڈیاکی آزادی کی بات کرتے ہیں لیکن میڈیا نے ہم سے انصاف نہیں کیاجہاں لاکھوں کا مجمع تھا اس کو اتنی کوریج نہیں ملی لیکن چند ہزار کے مجمع کو براہ راست دکھایا گیا یہ میڈیا کے حوالے سے انصاف کا قتل ہے جس کی مذمت کرتے ہیں نہ ہمارے پاس زر ہے نہ زور کے ہم پریس کو پریس کرسکیں لیکن پریس اور ایکسپریس کو پریس کرنے کے لیے میڈیا ہاؤسز پر حملہ کرتے ہیں کیا وہ حق ہمیں بھی دیں گے جس کی لاٹھی اس کی کوریج جس کا دبدبہ اس کی کوریج ہم میڈیاسے انصاف چاہتے ہیں انہوں نے کہاکہ جے یوآئی کے اپنے اہداف ہیں ہم کل بھی حکومت میں تھے آج بھی ہیں پر ہم حکومت میں رہ کر اپوزیشن کا کردار اداکررہے ہیں انہوں نے کہاکہ دہشت گردی کا جورونا رورہے تھے آج انہی کے دفاتر پر چھاپے مارے جارہے ہیں اوردہشت گرد پکڑے جارہے ہیں چچابھتیجے میں اختلافات کے متعلق سوال پر حافظ حسین احمد نے کہاکہ جب حقائق سامنے آتے جائیں گے معاملات الجھتے جائیں گے مرزا نے اڑان بھر ی ہے اچھی بات ہے جس کا زور چلا اس نے چلایا انہوں نے مزید کہاکہ صدر ممنو ن حسین کی کوئی بنیاد نہیں بے بنیاد سود کی پاکستان میں بنیاد ڈالناچاہتاہے یہ دوسراتارڑ ہے ہم نے جمہوریت کو بچانے کی کوشش کی ہے کسی فرد کونہیں ۔
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.