امریکی فوجیوں کو داعش کے خلاف لڑنے کیلئے شام اور عراق بھیجنے کا کوئی امکان نہیں،ہلیری کلنٹن

منگل 1 دسمبر 2015 12:03

واشنگٹن۔ یکم دسمبر (اُردو پوائنٹ اخبارتازہ ترین - اے پی پی۔یکم دسمبر۔2015ء) امریکی حکمران جماعت ڈیمو کریٹک پارٹی کی صدارتی امیدوار اور سابق خاتون اول ہلیری کلنٹن نے کہا ہے کہ ان کے خیال میں امریکی فوجیوں کو داعش کے خلاف لڑنے کیلئے شام اور عراق کی سرزمین پر بھیجنے کا کوئی امکان نہیں۔

(جاری ہے)

امریکی ٹی وی چینل کے پروگرام میں اظہار خیال کرتے ہوئے انہوں نے کہا کہ داعش نے اپنی حکمت عملی میں جدید ترین ٹیکنالوجی کا استعمال شروع کر رکھا ہے اور اسے شکست دینے کیلئے ہمیں اس شعبہ میں اس کے بھرپور مقابلے پر اپنی توجہ مرکوز کرنا ہوگی۔

انہوں نے کہا کہ داعش کے خلاف حکمت عملی کا ایک اور اہم پہلو یہ ہے کہ جہاں داعش موجود ہے وہاں اس کے خلاف برسرپیکار گروپوں کی بھرپور مدد کی جائے اور شام و عراق میں داعش کے ٹھکانوں پر فضائی حملے موثر ثابت ہو رہے ہیں۔ واضح رہے کہ امریکی صدر براک اوباما نے حال ہی میں شام کے شمالی علاقے میں 50 امریکی کمانڈوز کی تعیناتی کی منظوری دی ہے تاہم امریکی حکام کا کہنا ہے کہ یہ کمانڈوز براہ راست جنگی کارروائیوں میں حصہ نہیں لیں گے بلکہ ان کا کردار مشاورتی ہوگا۔

Facebook Twitter Google + Share on Whatsapp

امریکی فوجیوں کو داعش کے خلاف لڑنے کیلئے شام اور عراق بھیجنے کا کوئی امکان نہیں،ہلیری کلنٹن

متعلقہ عنوان :

مزید بین الاقوامی خبریں