پنجاب کے متعدد شہروں کو شدید دھند نے اپنی لپیٹ میں لے لیا، حد نگاہ صفر پر پہنچ گئی
منگل 1 دسمبر 2015 13:00
اسلام آباد/فیصل آباد /ملتان (اُردو پوائنٹ اخبارتازہ ترین - آئی این پی۔یکم دسمبر۔2015ء) پنجاب کے متعدد شہروں کو شدید دھند نے اپنی لپیٹ میں لے لیا ،موٹروے پر شدید دھند کے باعث حد نگاہ صفر پر پہنچ گئی ، 2ٹرک اور3کاروں سمیت7گاڑیاں آپس میں ٹکرا گئیں ،مختلف ٹریفک حادثات میں 3افراد جاں بحق اور متعدد زخمی ہوگئے،محکمہ موسمیات نے آئندہ چند روز کے دوران ملک کے بیشتر علاقوں میں موسم خشک ر ہنے کی پیشگوئی کردی ۔
منگل کو ترجمان موٹروے کے مطابق موٹروے ایم تھری فیصل آباد سے پنڈی بھٹیاں پر شدید دھند تھی جس کے باعث ایک حادثے کے نتیجے میں سات افراد زخمی ہوگئے اس کے علاوہ ساہیانوالہ اور دیگر مقامات پر بھی حادثات ہوئے جس کے نتیجے میں ایک شخص جاں بحق جبکہ متعددافراد زخمی ہوگیے۔(جاری ہے)
موٹروے حکام نے بڑھتے ہوئے حادثات اور حد نگاہ صفر ہونے کے باعث سڑک ٹریفک کیلئے بندکردی جسے بعدازاں دھند کم ہونے پر ٹریفک کیلئے کھول دیا گیا۔
ترجمان موٹروے کے مطابق حد نگاہ 200 میٹر ہونے پر موٹروے کھول دی گئی ،اچانک شدید دھند کے باعث حد نگاہ صفر ہوگئی ،جس کے باعث ساہیانوالہ کے قریب حادثہ،2ٹرکوں اور3کاروں سمیت7گاڑیاں ٹکرا گئیں۔ فیصل آباد میں روشن والا بائی پاس پر بس کی موٹر سائیکل کو ٹکر سے 2 افراد جاں بحق ہوگئے ۔ تیزرفتاربس نے موٹرسائیکل کو ٹکر دے ماری جس کے نتیجے میں موٹر سائیکل پر سوار دونوں افراد موقع پر جاں بحق ہوگئے۔ریسکیو ٹیموں نے موقع پر پہنچ کر لاشوں کو قریبی ہسپتال منتقل کردیا۔دوسری جانب پولیس کا کہنا ہے کہ حادثہ تیز رفتاری کے باعث پیش آیا تاہم بس کا ڈرائیورفرار ہونے میں کامیاب ہوگیا جس کی تلاش جاری ہے۔محکمہ موسمیات نے کہا کہ آئندہ 24گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں موسم شدید سرد/خشک رہے گا۔آئندہ چند روز کے دوران ملک کے بیشتر علاقوں میں موسم خشک رہے گا۔گزشتہ24 گھنٹوں کے دوران ملک کے بیشتر علاقوں میں موسم سرد اور خشک رہا۔ ملک میں ریکارڈ کیے گئے کم سے کم درجہ حرارت میں سکردو، قلات منفی05، استور ، پاراچنارمنفی 04، گوپس منفی 03 ، ہنزہ، گلگت منفی 02، دیر منفی01 ڈگری سینٹی گریڈ ریکارڈ کیا گیا۔متعلقہ عنوان :
مزید موسم کی خبریں
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
-
کراچی نے آلودگی میں دنیا کے تمام شہروں کو پیچھے چھوڑ دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.