ترکی نے تیل کی تجارت محفوظ بنانے کیلئے طیارہ گرایا، روسی صدر کا الزام
منگل 1 دسمبر 2015 13:18
ماسکو/ پیرس (اُردو پوائنٹ اخبارتازہ ترین - آئی این پی۔یکم دسمبر۔2015ء ) روسی صدر ولادی میر پیوٹن نے ایک بار پھر الزام لگایا ہے کہ ترکی نے شدت پسند تنظیم داعش کے ساتھ تیل کی تجارت اور سپلائی کو محفوظ بنانے کے لیے طیارہ مارگرایا ،ادھر ترک صدر طیب اردگان کا کہنا ہے کہ بہتان طرازی روس کی روایت ہے، اگر روس کے الزامات درست ثابت ہوں تو مستعفی ہو جائیں گے۔
غیر ملکی میڈیاکے مطابقطیارہ گرائے جانے کے بعد ترکی اور روس کے تعلقات بگڑتے ہی جا رہے ہیں ، روسی صدر ولادی میر پیوٹن نے ایک بار پھر الزام لگایا ہے کہ ترکی نے شدت پسند تنظیم داعش کے ساتھ تیل کی تجارت اور سپلائی کو محفوظ بنانے کے لیے طیارہ مارگرایا ہے۔عالمی ماحولیاتی تبدیلیوں پر پیرس میں ہونے والی کانفرنس میں خطاب کرتے ہوئے پیوٹن نے کہا کہ روس کے جنگی طیارے کو گرا کر ترکی نے بہت بڑی غلطی کی ہے، ’ہمیں ایسی معلومات موصول ہوئی ہیں جن سے ظاہر ہوتا ہے کہ دولت اسلامیہ کا تیل ترک حدود سے گزرتا ہے۔(جاری ہے)
اور انھی ممالک سے تیل اور گیس خریدتے ہیں۔
بہتان طرازی ان کی روایت ہے اور بہتان لگا کر آپ کچھ حاصل نہیں کر سکتے۔‘ترک صدر کا کہنا تھا کہ روس کی جانب سے عائد کی گئی اقتصادی پابندیوں کا جواب دینے کے سلسلے میں بھی ان کا ملک تحمل سے کام لے گا۔انھوں نے کہا کہ ’ہم تحمل کا مظاہرہ کر رہے ہیں۔ یہ جذباتی بیانات دو ایسے ممالک کے لیے مثبت اقدام نہیں جن کے تعلقات سٹریٹیجک سطح کی شراکت داری سے تعبیر کیے جاتے ہوں۔دوسری طرف ترکی نے روسی طیارے کے مارے جانے والے پائلٹ کی باقیات ماسکو کے حوالے کر دی ہیں۔واضح رہے کہ روس شام میں صدر بشار الاسد کے مخالف باغیوں سمیت دولت اسلامیہ کو فضائی حملوں کے ذریعے نشانہ بنا رہا ہے۔روس ترکی پر اس کے جنگی طیارے کو گرانے کے بعد سے کئی پابندیاں بھی لگا چکا ہے جن میں ترکی سے کھانے کی اشیا کی درآمدات اور ویزا فری سفر پر پابندی شامل ہے۔دولت اسلامیہ زیادہ تر پیسہ تیل کی غیر قانونی فروخت سے کماتا ہے تاہم ترکی اس کے ساتھ تیل کی تجارت میں شامل ہونے کی سختی کے ساتھ تردید کر چکا ہے۔پیر کے روز امریکہ سٹیٹ ڈیپارٹمنٹ کا کہنا تھا کہ ’ترکی اور امریکی ذرائع سے یہ ثبوت ملے ہیں کہ روس کے جنگی طیارے نے ترک فضائی حدود کی خلاف ورزی کی تھی۔‘متعلقہ عنوان :
مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مسجد اقصی میں یہودیوں کی قربانی کی رسم کی ادائیگی
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
دنیا کے بہترین شوہر نے تحفے میں بیوی کو آدھی حکمرانی دیدی
-
اروند کیجریوال کو جیل میں انسولین دے دی گئی
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سینیٹ سے منظوری ملتے ہی یوکرین کو امداد فراہم کردیں گے، بائیڈن
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.