یونین کونسلز 30,22,30,34,39اور 42کے نتائج جاری نہ کرنا تشویشناک ہے ٗتحریک انصاف
بلدیاتی انتخابات میں شاندار کامیابی پر شہریوں کے شکر گزار ہیں ٗ مئیر وڈپٹی مئیر شپ کے مقابلے میں بھرپور طریقے سے شرکت کرینگے ٗ آزاد امیدواروں کو ساتھ ملا کر اسلام آباد میں مقامی سطح پر حکومت قائم کرنے کی بھرپور کوشش کرینگے ٗمیڈیا سے گفتگو
منگل 1 دسمبر 2015 18:39
اسلام آباد(اُردو پوائنٹ اخبارتازہ ترین - این این آئی۔یکم دسمبر۔2015ء) پاکستان تحریک انصاف نے کہا ہے کہ حکومت اور الیکشن کمیشن کے مابین مفاہمت کے نتیجے میں تحریک انصاف کی انتخابی مہم کو متاثر کرنے کی تمام کوششیں ناکام ثابت ہوئیں ٗ اسلام آباد کے بلدیاتی انتخابات کے دور ان شاندار کامیابی پر شہریوں کے شکر گزار ہیں ٗ مئیر شپ اورڈپٹی مئیر شپ کے مقابلے میں بھرپور طریقے سے شرکت کرینگے ٗ آزاد امیدواروں کو ساتھ ملا کر اسلام آباد میں مقامی سطح پر حکومت قائم کرنے کی بھرپور کوشش کرینگے ۔
وہ نو منتخب چیئرمین اور وائس چیئرمین کے اہم ترین اجلاس کی صدارت کے بعد میڈیا سے گفتگو کررہے تھے تحریک انصاف کے سنیئر رہنما اور رکن قومی اسمبلی اسد عمر کا کہنا تھا کہ مسلم لیگ نواز کی حکومت کے تمام تر حربوں کے باوجود اسلام آباد کے شہریوں نے تحریک انصاف کے امیدواروں کو بڑی تعداد میں منتخب کیا ہے۔(جاری ہے)
حکومت اور الیکشن کمیشن کے مابین مفاہمت کے نتیجے میں تحریک انصاف کی انتخابی مہم کو متاثر کرنے کی تمام کوششیں ناکام ثابت ہوئیں۔
انتخابات کو مکمل ہوئے کئی گھنٹے گزرنے کے باوجود بعض یونین کونسلز میں نتائج کے اعلان میں تاخیر باعث تشویش ہے۔ تحریک انصاف 16یونین کونسلز میں واضح برتری حاسل کر چکی ہے جبکہ سات یونین کونسلز میں مشکوک انداز سے نتائج کے اعلان میں تاخیر کی جارہی ہے جس کا جائزہ لے رہے ہیں اگر ساتوں یونین کونسلز کے نتائج تحریک انصاف کی امیدوں کے مطابق آئے تو ہماری مجموعی تعداد 23ہو جائے گی تاہم موجودہ صورت حال میں بھی تحریک انصاف مئیر شپ اور ڈپٹی مئیر شپ کے مقابلے میں حصہ لے گی اور آزاد امیدواروں کو ساتھ ملا کر اسلام آباد میں مقامی سطح پر حکومت قائم کرنے کی بھرپور کوشش کرے گی۔اس موقع پر ان کا کہنا تھا کہ وزیراعظم کی سطح پر اسلام آباد کے بلدیاتی انتخابات میں مداخلت کی گئی اور الیکشن کمیشن کی جانب سے متنازعہ حلقہ بندیوں، ترقیاتی کاموں اور ضابطہ اخلاق کی کھلی خلاف ورزی پر عدم کارروائی کے باوجود اسلام آباد کے عوام نے نظریات اور قابلیت کو بنیاد بنا کر تحریک انصاف کے امیدواروں کو منتخب کیا، جس پر تحریک انصاف ان کی شکر گزار ہے۔ انہوں نے کہا قانونی، اخلاقی اور ریاستی حدود کے اندر رہتے ہوئے آزاد امیدواروں کو ساتھ ملا کر تحریک انصاف اسلام آباد میں مقامی حکومت کے قیام کی کوششیں ضرور کرے گی تاہم نہ تو دھونس اور دھاندلی کا سہارا لیں گے اور نہ ہی دولت کے ذریعے ضمیروں کی خریدو فروخت کارستہ اپنائیں گے۔ ان کے مطابق آر اوز کی جانب سے ساتھ یونین کونسلز جن میں 30,22,30,34,39اور 42شامل ہیں کے نتائج جاری نہ کرنا تشویشناک ہے۔ تحریک انصاف نتائج کا مجموعی جائزہ لے گی اور اگر مناسب سمجھیں گے تو بے ضابطگیوں اور انتخابی قواعد کی خلاف ورزیوں کے خلاف قانونی چارہ جوئی کریں گے۔متعلقہ عنوان :
مزید اہم خبریں
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
-
آرمی چیف جنرل سید عاصم منیر سے ترک چیف آف جنرل اسٹاف جنرل متین گیوراک کی ملاقات ، باہمی دلچسپی، دفاعی، تربیت اور علاقائی امن و استحکام کو فروغ دینے سمیت دیگر امور پر تبادلہ خیال
-
وزیرِ اعظم محمد شہباز شریف کی زیرِ صدارت بجلی شعبے کے حوالے سے اقدامات کے جائزہ پر اعلیٰ سطحی اجلاس کا دوسرا دور
-
وزیراعظم سے یورپی یونین کی سفیر کی ملاقات
-
وزیراعظم محمد شہباز شریف سے پاکستان میں یورپی یونین کی سفیر کی ملاقات
-
وزیرِ اعظم کی زیرِ صدارت بجلی شعبے کے حوالے سے اقدامات کے جائزے پر اعلی سطحی اجلاس کا دوسرا دور، بجلی کے ترسیلی نظام پر بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.