نئے ٹیکس لگانے سے روز مرہ کی اشیاء مہنگی ہوگئیں،عام آدمی کی زندگی بری طرح متاثر

راولپنڈی (اُردو پوائنٹ اخبارتازہ ترین - آن لائن02دسمبر۔2015ء)حکومت کی جانب سے 313 اشیاء پر ٹیکس لگانے سے روز مرہ کی گھریلوا شیاء بھی مہنگی کر دی گئی جس سے عام آدمی کی زندگی بری طرح متاثر ہونے لگی،دالیں ،سبزیاں،مشروبات ،دودھ،دہی کی قیمتوں میں اضافہ کر دیا گیا ہے جبکہ نان بائی ایسوسی ایشن نے روٹی اور نان کی قیمتیں بڑھانے کیلئے 2سے3 روپے اضافہ کیلئے نوٹس جاری کر دیا ہے ۔

تفصیلات کے مطابق وفاقی حکومت کی طرف سے40ارب روپے کے نئے ٹیکسوں کے منی بجٹ سے شہر بھر کی اوپن مارکیٹ میں دالیں،سبزیاں، کریانہ ، مشروبات، دودھ، دھی کی قیمتوں میں اضافہ کر دیا گیا،نان بائی ایسوسی ایشن نے روٹی اور نان کی قیمتوں میں2 سے3 روپے اضافہ بڑھانے کا نوٹس جاری کردیا ، سگریٹ کی بلیک میں فروخت شروع ہوگئی ہے،گھی،آئل،بنے والی فیکٹریوں نے آئندہ ہفتہ سے گھی کی قیمتوں میں بھی5روپے فی کلو اضافہ کرنے کے نوٹس دیدیے ہیں ، چاول،مصالحہ جات سمیت تمام ملٹی نیشنل کمپنیوں نے بھی اپنی مصنوعات سرف،صابن،ٹوتھ پیسٹ، ہر قسم کی کریم، میک اپ سامان،درسی کتب،کاپیوں کی قیمتوں میں بھی اضافہ کر دیا ہے،انڈوں کی قیمتیں بھی بڑھا دی گئی ہیں،نان بائی ایسوسی ایشن نے روٹی خمیری،پتیری نان کلچہ کی قیمتوں میں2روپے سے3روپے اضافہ کاڈی سی او کو نوٹس دے دیا۔

(جاری ہے)

اوپن مارکیٹ میں مشروبات کی بوتلوں کی قیمت میں5سے7روپے کااضافہ کیا گیا اضافہ سے ملازمین و غریبوں کی چیخیں نکل گئی ہیں،کمپنیوں کی تیار کردہ آئیس کریم کی قیمت میں بھی 3 سے5 روپے اضافہ کیا گیا ہے،دودھ اوپن مارکیٹ اضافہ کے ساتھ100 روپے کلو،دہی110 روپے کلو ،دالوں کی قیمتیں 200 روپے کلو سے تجاوز کر گئی ہیں،آلو70 روپے کلو ،پیاز60 روپے کلو ،بھنڈی 80 روپے کلو،شمالہ مرچ120 روپے کلو ،ادرک 200 روپے کلو،سرف ک ایک کلو پیکٹ پر10 روپے کا اضافہ کیا گیا ہے اس اضافہ سے ملازمین و غریبوں کی چیخیں نکل گئی ہیں