آسٹریلوی امپائر جان ورڈ بھارت کے ڈومیسٹک کرکٹ رانجی ٹرافی کے میچ کے دوران گیند لگنے سے شدید زخمی

بدھ 2 دسمبر 2015 15:14

آسٹریلوی امپائر جان ورڈ بھارت کے ڈومیسٹک کرکٹ رانجی ٹرافی کے میچ کے ..

چنائے(اُردو پوائنٹ اخبارتازہ ترین - آئی این پی۔02 دسمبر۔2015ء) آسٹریلوی امپائر جان ورڈ بھارت کے ڈومیسٹک کرکٹ رانجی ٹرافی کے میچ کے دوران گیند لگنے سے شدید زخمی ہوگئے۔کرکٹ ویب سائٹ کرک انفو کے مطابق ہندوستان کی ریاست تامل ناڈو میں رانجی ٹرافی کے ایک میچ میں پنجاب کے بیٹسمین بریندر سرن نے حریف ٹیم تامل ناڈو کے خلاف بیٹنگ کرتے ہوئے گیند کو امپائر کے پاس سے نکالنے کی کوشش کی لیکن گیند امپائر جان وارڑ کے سر پر جالگی اور وہ گراوٴنڈ پر گر پڑے۔

زخمی جان ورڈ کو فوری طورپر اسپتال منتقل کیا گیا، اطلاعات کے گیند لگنے سے وہ بیہوش ہوگئے تھے تاہم مقامی کرکٹ ایسوسی ایشن کے سیکریٹری وینکاٹرمن نے ان اطلاعات کو مسترد کیا۔ان کا کہنا تھا کہ"امپائر کا بی سی سی آئی کے قوانین کے مطابق مقامی اسپتال میں علاج کیا جارہاہے اور ان کی حالت خطرے سے باہر ہے تاہم انھیں دودن کے لیے اسپتال میں رہنے کی تاکید کی گئی ہے۔

(جاری ہے)

واضح رہے گزشتہ سال اسرائیل میں ایک کرکٹ میچ کے دوران گیند لگنے سے امپائر کی ہلاکت ہوئی تھی، حال ہی میں آسٹریلیا میں گریڈ بی کے مقابلوں کے ایک میچ میں بھی امپائر کے ساتھ ناخوشگوار واقعہ پیش آیا تھا جب آسٹریلیا کے بیٹسمین مچل مارش نے ایڈیلیڈ میں زوردار شارٹ کھیلا تھا جو امپائر کے کان قریب لگا تھا تاہم وہ صحت یاب ہوگئے تھے۔جان وارڑ کرکٹ آسٹریلیا اور بی سی سی آئی کے مابین میچوں کے انعقاد کے لیے امپائروں کے تبادلے کے معاہدے کے تحت ہندوستان کے ڈومیسٹک سیزن میں فرائض انجام دے رہے تھے۔

متعلقہ عنوان :