وزیر اعظم غیر ملکی دورے سے وطن واپسی پر بلوچستان میں اڑھائی سال بعد وزیراعلیٰ کی تبدیلی بارے ’’معاہدہ مری‘‘ پر عملدرآمد کے حوالے سے کوئی حتمی فیصلہ کریں گے
بلوچ رہنماؤں نے وزیر اعظم کی لندن واپسی سے قبل ہی اسلام آباد میں پڑاؤ ڈال دیئے، معاہدے کے حوالے سے لابنگ کیلئے وزیر داخلہ چوہدری نثار اور وزیر سیفران جنرل(ر) عبدالقادر بلوچ سمیت مختلف وزراء سے ملاقاتیں ، جے یو آئی نے بھی شریک اقتدار بننے کیلئے کوششیں شروع کر دیں
بدھ 2 دسمبر 2015 21:03
اسلام آباد (اُردو پوائنٹ اخبارتازہ ترین - آئی این پی۔02 دسمبر۔2015ء) وزیر اعظم نواز شریف غیر ملکی دورے سے وطن واپسی پر بلوچستان میں اڑھائی سال بعد وزیراعلیٰ کی تبدیلی بارے طے پانے والے ’’معاہدہ مری‘‘ پر عملدرآمد کے حوالے سے کوئی حتمی فیصلہ کریں گے، وزیراعظم نے ابھی تک معاہدے پر عملدرآمد کے حوالے سے کسی قسم کے مثبت یا منفی رد عمل کا اظہار نہیں کیا، بلوچ رہنماؤں نے وزیر اعظم کی لندن واپسی سے قبل ہی اسلام آباد میں پڑاؤ ڈال دیئے، معاہدے کے حوالے سے لابنگ کے لئے وزیر داخلہ چوہدری نثارعلی خان اور وزیر سیفران جنرل(ر) عبدالقادر بلوچ سمیت مختلف وزراء سے ملاقاتیں کیں، جے یو آئی نے بھی شریک اقتدار بننے کیلئے کوششیں شروع کر دیں۔
تفصیلات کے مطابق وزیراعظم نواز شریف غیر ملکی دورہ مکمل ہونے پر لندن سے وطن واپس پہنچنے کے بعد سب سے پہلے بلوچستان قوم پرست جماعتوں کے ساتھ اڑھائی سال قبل طے پانے والے شراکت اقتدار کے مری معاہدے پر عملدرآمد کے حوالے سے کوئی حتمی فیصلہ کریں گے۔(جاری ہے)
ذرائع کے مطابق وزیراعظم نے ابھی تک بلوچ رہنماؤں سمیت اپنے قریبی رفقاء میں سے بھی کسی کے سات اس حوالے سے کسی قسم کا رد عمل کا اظہار نہیں کیا، جس بھی رہنماء یا قریبی ساتھی نے اس حوالے سے کوئی رائے دی، تو وزیراعظم نواز شریف نے خاموشی کے ساتھ رائے سن لی مگر اپنے رد عمل کا اظہار نہیں کیا۔
دوسری جانب معاہدہ مری کے اکثر اسٹیک ہولڈرز نے اسلام آباد میں ڈیرے ڈال دیئے ہیں اور بے تابی سے وزیراعظم کی وطن واپسی کے منتظر ہیں، بلوچستان نیشنل پارٹی، پختونخوا میپ اور جے یو آئی بلوچستان کے رہنماؤں سے معاہدہ مری کے حوالے سے اپنے اپنے نکتہ نظر اور مفادات کے تحت لابنگ شروع کر رکھی ہے، بعض بلوچ رہنماؤں نے وزیر داخلہ چوہدری نثار علی خان، وفاقی وزیر برائے ریاستیں و سرحدی امور جنرل(ر) عبدالقادر بلوچ و دیگر سے ملاقاتیں بھی کی ہیں اور اپنا موقف پیش کرتے ہوئے ان وزراء سے وزیراعظم تک یہ موقف پہنچانے کی درخواست کی ہے۔ واضح رہے کہ معاہدہ مری کے تحت طے پایا تھا کہ پہلے اڑھائی سال بلوچستان نیشنل پارٹی کے ڈاکٹر مالک وزیر اعلیٰ رہیں گے جبکہ بقیہ اڑھائی سال (ن) لیگ کے ثناء اﷲ زہری کو وزیر اعلیٰ منتخب کیا جائے گا، تاہم ذرائع کے مطابق اب بلوچستان نیشنل پارٹی اور پختونخوا میپ کی کوشش اور خواہش ہے کہ ڈاکٹر مالک ہی آئندہ اڑھائی سال وزیر اعلیٰ رہیں کیونکہ انہوں نے بلوچستان علیحدگی پسندوں کی مہم کو دبانے اور امن و امان قائم کرنے میں اہم کردار ادا کیا ہے لیکن دوسری جانب مسلم لیگ کے صوبائی رہنماء معاہدے کے مطابق (ن) لیگ کے صوبائی صدر ثناء اﷲ زہری کو ہر صورت آئندہ اڑھائی سال کیلئے وزیراعلیٰ بنوانا چاہتے ہیں، نی صورتحال میں جے یو آئی بھی کافی سر گرم ہے ، مولانا فضل الرحمان نے حکومت کو پیغام بھجوایا ہے کہ معاہدے کے تحت انتقال اقتدار کے مرحلے پر جے یو آئی کو بھی صوبائی حکومت میں ایوان میں ان کے ارکان کی تعداد کے حساب سے کوٹہ دیئے جانے کا امکان ہےمتعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.