بہترین بین الاقوامی طریقہ کار اورٹیکنالوجی پر مبنی جدید نظام کو اپناتے ہوئے بی آئی ایس پی مختصر مدت کے اندر دنیا کیلئے ایک ماڈل سوشل سیفٹی نیٹ پروگرام کے طورپر سامنے آیا ہے
چیئرمین بی آئی ایس پی ماروی میمن کا تقریب سے خطاب
بدھ 2 دسمبر 2015 21:43
اسلام آباد(اُردو پوائنٹ اخبارتازہ ترین - آئی این پی۔02 دسمبر۔2015ء) چیئرمین بی آئی ایس پی ماروی میمن نے کہا ہے کہ بہترین بین الاقوامی طریقہ کار اورٹیکنالوجی پر مبنی جدید نظام کو اپناتے ہوئے بی آئی ایس پی مختصر مدت کے اندر دنیا کیلئے ایک ماڈل سوشل سیفٹی نیٹ پروگرام کے طورپر سامنے آیا ہے،نائیجریا اورافغانستان کی طرح مختلف ممالک کے وفود نے ادارے کے آپریشنل نظام کے مطالعہ کیلئے بی آئی ایس پی کا دورہ کیا ہے۔
بدھ کو ان خیالات کا اظہار انھوں نے بی آئی ایس پی کے پر وگرام کے تحت منعقدہ تقریب سے خطاب کرتے ہوئے کیا۔بی آئی ایس پی نے نوبل انعام یافتہ،محترمہ توکل کرمان کو بطورمہمان خصوصی تقریب میں شرکت کیلئے دعوت دی۔اس موقع پر سول سوسائٹی کے ممبران،بی آئی ایس پی اہلکار اور ایک بڑی تعداد میں بی آئی ایس کی مستحقین موجودتھیں۔(جاری ہے)
محترمہ توکل کرمان ایک یمنی صحافی، سیاستدان،الاصلاح سیاسی جماعت کی سینئر رکن اور انسانی حقوق کی ایک سرگرم کارکن ہیں۔
یہ 2011کے نوبل انعام کی شریک وصول کنندہ ہیں جو پہلی یمنی عرب خاتون جبکہ دورسری کم عمر مسلمان نوبل انعام یافتہ خاتون ہیں۔اس تقریب کا مقصد غریب مستحق خواتین کوSisters in Succesکے تحت بین الاقوامی شہرت یافتہ خاتون لیڈر سے ملاقات کا موقع فراہم کرنا ہے تاکہ وہ لیڈر خاتون ان مستحقین کو ان کے پاؤں پرکھڑے ہونے کی حوصلہ افزائی کرے۔Sisters in Successبین الاقوامی لیڈر خواتین کا پاکستان رول ماڈل خواتین اور سب سے اہم بی آئی ایس پی کی مستحق خواتین جنہیں غربت کاسامنا ہو ان خواتین سے ملنے کے تصور پر توجہ مرکوزکرتاہے۔جلد ہی اس طرح کے رول ماڈلز کا ایک عظیم الشان سمپوزیم منعقد کیا جائے گا جسے بی آئی ایس پی کی غریب مستحقین کی آگاہی،بااختیاری اور پروجیکشن کیلئے استعمال کیا جائے گا۔اپنے خطاب کے دوران محترمہ نوکل کرمان نے معاشرے کے پسماندہ طبقے کی فلاح و بہود اورادارے کی تیزرفتاری کیساتھ ترقی پر بی آئی ایس پی کے کردار کی تعریف کی۔انہوں نے غریب مستحقین کو امید اور صبر کو پےٖغام دیا جو انہیں غربت کے دائرے سے باہر نکلنے میں مدددے گا۔اس موقع پر چیئرپرسن بی آئی ایس پی نے کہا کہ وزیراعظم نوازشریف کے وژن کے مطابق بی آئی ایس پی ماہانہ مالی معاونت اور اپنے دیگر اقدامات کے ذریعے5 بلین مستحقین کو عزت نفس اور مقصد حیات فراہم کرتے ہوئے بااختیار بنارہاہے۔Sisters in Successاس وژن کو پوراکرنے کی جانب ایک اہم قدم ہے۔(م ق)متعلقہ عنوان :
مزید اہم خبریں
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.