لیبیا کی غیرتسلیم شدہ کابینہ میں رد وبدل،دووزراء برطرف
جنرل نیشنل کانگریس نے وزارتوں کی تعداد 24 سے کم کر کے 12 کردی،وزیراعظم عہدے پر برقرار
بدھ 2 دسمبر 2015 22:10
طرابلس(اُردو پوائنٹ اخبارتازہ ترین - این این آئی۔02 دسمبر۔2015ء) لیبیا کے دارالحکومت طرابلس میں بین الاقوامی سطح پر غیر تسلیم شدہ حکومت نے اپنی کابینہ میں ردوبدل کیا ہے اور وزارتوں کی تعداد کم کردی ہے۔البتہ وزیراعظم خلیفہ غویل کو برقرار رکھا گیا ہے۔غیرملکی خبررساں ادارے کے مطابق لیبیا کی قومی اسمبلی ( جنرل نیشنل کانگریس ) کے ایک ذریعے کے مطابق کانگریس نے روز کابینہ میں ردو بدل کی منظوری دی ہے جس کے تحت وزراء کی تعداد چوبیس سے کم کر کے بارہ کردی گئی ہے۔
وزیراعظم ان کے علاوہ ہیں۔اس ذریعے کا کہنا ہے کہ اس طرح کی محدود حکومت دراصل کانگریس کے نزدیک ایک بحرانی کابینہ ہے''۔طرابلس کی کابینہ میں یہ ردو بدل ایسے وقت میں کیا گیا ہے جب لیبیا کو اقتصادی بحران کا سامنا ہے۔(جاری ہے)
لیبیا میں 2011ء میں سابق مطلق العنان صدر کرنل معمر قذافی کی حکومت کے خاتمے کے بعد سے طوائف الملوکی کا دور دورہ ہے۔اس وقت ملک میں دو متوازی حکومتیں اور پارلیمان کام کررہی ہیں۔
دارالحکومت طرابلس میں اسلامی گروپوں پر مشتمل فجر لیبیا کی حکومت ہے اور ملک کے مشرقی علاقوں میں وزیراعظم عبداﷲ الثنی کی قیادت میں حکومت کی عمل داری ہے۔اس کے دفاتر مشرق شہر طبرق میں قائم ہیں۔عبداﷲ الثنی کی حکومت کو عالمی سطح پر تسلیم کیا جاتا ہے لیکن اس کا دارالحکومت طرابلس اور ملک کے مغربی علاقوں میں کوئی کنٹرول نہیں ہے۔ان دونوں حکومت کے زیر اثر مسلح ملیشیاؤں کے درمیان ایک دوسرے کے علاقوں پر قبضے کے لیے مسلح جھڑپیں ہوتی رہتی ہیں۔اب حالیہ مہینوں کے دوران لیبیا میں داعش کے ظہور کے بعد عالمی برادری ملک کے مستقبل کے حوالے سے سے اپنی تشویش کا اظہار کررہی ہے۔متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.