جرمنی میں 427 اعلیٰ تعلیمی ادارے کام کررہے ہیں ،لارس برجمیئر
تعلیمی اداروں کا صنعتوں کے ساتھ جدید خطوط پر اشتراک قائم ہے۔ ڈائریکٹر جرمن ایکسچینج پروگرام اسلام آباد
بدھ 2 دسمبر 2015 22:27
کراچی (اُردو پوائنٹ اخبارتازہ ترین - آن لائن۔02 دسمبر۔2015ء) جرمن ایکسچینج پروگرام (DAAD ) اسلام آباد کے ڈائریکٹر لارس برجمیئرنے کہاکہ جرمنی میں اعلیٰ تعلیم کے بیشمار مواقع میسر ہیں ،جرمنی کی بیشتر جامعات میں ٹیوشن فیس معاف ہے اور بیرون ممالک سے آنے والے طلبہ انتہائی مناسب فیس کے عوض اعلیٰ تعلیم وتحقیق کے حصول میں مصروف ہیں۔سرکاری جامعات مکمل آزادی اور بغیر کسی حکومتی دباؤ کے تحقیقی میدان میں نمایاں کارنامے سرانجام دے رہی ہیں۔
جرمنی میں 427 اعلیٰ تعلیمی ادارے کام کررہے ہیں اور ان تعلیمی اداروں کا صنعتوں کے ساتھ جدید خطوط پر اشتراک قائم ہے۔ریسرچر ز کو اپنی مرضی کا مضمون منتخب کرنے کی آزادی حاصل ہے اور اس تکنیک سے تحقیقی میدان میں ریسرچرز نت نئی جہتیں طے کررہے ہیں۔(جاری ہے)
ان خیالا ت کا اظہار انہوں نے جامعہ کراچی کے رئیس کلیہ سماجی علوم پروفیسر ڈاکٹر مونس احمر کے زیر اہتمام منعقدہ لیکچر بعنوان: ”جرمنی میں سماجی علوم کی تعلیم کے مواقع“ سے خطاب کرتے ہوئے کیا۔
انہوں نے مزید کہا کہ نہ صرف مغربی یورپ بلکہ مشرقی یورپ اور دنیا بھر سے طالب علم اور ریسرچرز اعلیٰ تعلیم وتحقیق کے لئے جرمنی کا رخ کرتے ہیں جس کی بڑی وجہ جرمنی میں بہترین تعلیمی وتحقیقی کلچر سے ہے کیونکہ جرمنی کی جامعات میں اسلامی تعلیم کے بھی شعبہ جات موجود ہیں اور اس پر بھی وسیع ریسرچ کی جارہی ہے ،جرمنی عالمی تنازعات میں غیر جانبدرانہ پالیسی اپنائے ہوئے ہے بالخصوص یوکرین اور روس کے مابین جاری تنازعے میں جرمنی ایک غیر جانبدارانہ پالیسی کا حامل ملک ہے۔اس موقع پر رئیس کلیہ سماجی علوم پروفیسر ڈاکٹر مونس احمر نے کہا کہ جدید موضوعات پر تحقیق ہی سے تعلیمی ترقی ممکن ہے ۔جرمنی عالمی جنگوں میں شکست کھاکر بھی آج دنیا کی چوتھی بڑی معاشی طاقت بن کر ابھرا ہے اور یورپ کی پہلی سب سے بڑی معاشی قوت ہے اور ہمیں جرمنی سے بہت کچھ سیکھنے کی ضرورت ہے۔جرمنی میں ریسرچ اور اسکالر شپ کے بھر پور مواقع میسر ہے ،ضرورت اس امر کی ہے کہ پاکستانی طلباوطالبات ان مواقعوں سے بھر پور استفادہ کرتے ہوئے ملک کے تابناک مستقبل کے لئے اپنا مثبت کردار اداکریں۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.