5 دسمبر کا سورج حق پرستوں کی فتح کی نوید لے کر طلوع ہوگا، رکن رابطہ کمیٹی محمد حسین
جمعرات 3 دسمبر 2015 23:15
کراچی (اُردو پوائنٹ اخبارتازہ ترین - این این آئی۔03 دسمبر۔2015ء) متحدہ قومی موومنٹ کی جانب سے بدھ کے روز قصبہ علیگڑھ اور اورنگی ٹاؤن کے مختلف علاقوں میں بڑی انتخابی ریلی نکالی گئی۔ اس انتخابی ریلی کی سربراہی اراکین رابطہ کمیٹی ایم کیو ایم محمد حسین، مطیع الرحمان اور گل فراز خان خٹک کررہے تھے۔ اس موقع پر ریلی کے شرکاء سے خطاب کرتے ہوئے ایم کیو ایم رابطہ کمیٹی کے رکن محمد حسین نے کہا کہ قصبہ علیگڑھ اور اورنگی ٹاؤن کی عوام نے ہمیشہ الطاف حسین اور ایم کیو ایم کا ساتھ دیا ہے اور کڑے سے کڑے حالات میں بھی ثابت قدم رہے۔
انہوں نے کہا کہ 05 دسمبر کا سورج حق پرستوں کی فتح کی نوید لے کر طلوع ہوگا اور ماضی کی طرح اس بار بھی قصبہ علیگڑھ و اورنگی ٹاؤن کے عوام ایم کیو ایم کو بھاری اکثریت سے کامیاب کرائیں گے۔(جاری ہے)
انہوں نے کہا کہ آج کراچی میں مسائل کے ڈھیر لگے ہوئے ہیں ، آج کراچی کی عوام پانی کو ترس گئی ہے صاف ستھرائی کا انتہائی ناقص انتظام کی وجہ سے جگہ جگہ گندگی اور غلاظت کے ڈھیر لگے ہوئے ہیں جس کی وجہ سے طرح طرح کے وبائی امراض پھیل رہے ہیں۔
انہوں نے کہا کہ ایم کیو ایم نے اپنے سابقہ بلدیاتی دور میں عوامی خدمات کے وہ کارنامے انجام دیئے کہ جس کی مثال تاریخ میں نہیں ملتی اور یہ ایم کیو ایم ہی ہے کہ جس کے دو میئرز کا شمار دنیا کے بہترین میئرز میں ہوتا ہے۔ اس موقع پر ایم کیوایم کے حق پرست اراکین اسمبلی اقبال قادری، سیف الدین خالد ، محبوب عالم، قصبہ علیگڑھ اور اورنگی سیکٹرز و یونٹس کے ذمہ داران و کارکنان سمیت بڑی تعداد میں نوجوانوں نے شرکت کی جبکہ ریلی کے دوران قصبہ علیگڑھ اور اورنگی ٹاؤن کے 20 مختلف مقامات پر اراکین رابطہ کمیٹی نے پرچم کشائی کی۔مزید اہم خبریں
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.