عوام بلا خوف و خطر جماعت اسلامی اور تحریک انصاف کے امیدواروں کو ووٹ دیں،حافظ نعیم الرحمن
جمعہ 4 دسمبر 2015 16:14
کراچی (اُردو پوائنٹ اخبارتازہ ترین - این این آئی۔04 دسمبر۔2015ء) جماعت اسلامی کراچی کے امیر اورنارتھ ناظم آباد سے یونین کونسل18کے امیدوار حافظ نعیم الرحمن نے کہا ہے کہ تیس سال بعد کراچی کے عوام کو موقع مل رہا ہے کہ وہ بھتہ خوری،دہشت گردی ،ٹارگٹ کلنگ اور بد امنی سے چھٹکاراحاصل کریں،کراچی کے باشعور عوام 5دسمبر کو گھروں سے نکلیں اور بلا خوف و خطر جماعت اسلامی اور تحریک انصاف کے مشترکہ امیدواروں کو ووٹ دیں۔
عوام گھروں سے نکلیں گے تب ہی حالات تبدیل ہوں گے۔ان خیالات کا اظہار انہوں نے اپنے حلقہ انتخاب میں منعقدہ ایک بڑی انتخابی ریلی سے خطاب کرتے ہوئے کیا۔ریلی سے تحریکِ انصاف کے رہنما و رکن قومی اسمبلی عارف علوی ،عمران اسماعیل نے بھی خطاب کیا۔ریلی میں مرد و خواتین،بزرگ اور جوانوں نے بڑی تعداد میں شرکت کی۔(جاری ہے)
ریلی کے شرکاء نے یوسی 18کے گلی محلوں میں گشت کیا بعد ازاں سخی حسن پہنچ کر ریلی کا اختتام ہوا۔
حافظ نعیم الرحمن نے خطاب کرتے ہوے مزید کہا کہ پورا کراچی نہ حیدر آباد ہے اور نہ این اے 246ہے۔5دسمبر کو کراچی کے حالات بدلیں گے،30سال بعد کراچی کے عوام کو موقع مل رہا ہے کہ وہ بھتہ خوری،دہشت گردی،ٹارگٹ کلنگ اور بد امنی سے چھٹکارہ حاصل کریں۔انہوں نے کہا کہ میرا کراچی کے باشعور عوام،نوجوانوں،بزرگوں ،خواتین کو یہ پیغام ہے کہ وہ 5دسمبر کو انتخابات والے دن صبح گھروں سے نکلیں اور بلا خوف و خطر جماعت اسلامی اور تحریک انصاف نے جو مشترکہ امیدوار کھڑے کیے ہیں انہیں ووٹ دیں۔عوام گھروں سے نکلیں گے تب ہی حالات تبدیل ہوں گے اور حالات کی تبدیلی کو کوئی نہیں روک سکتا۔انہوں نے کہا کہ آرمی پولیس پر حملہ شہر میں خوف و ہراس پھیلانے کی سازش تھی،مگر آج چہلم والے دن قانون نافذ کرنے والے اداروں نے امن و امان کی صورتحال کو برقرار رکھ کر ثابت کر دیا کہ خوف کا ماحول پیدا کرنے والے کامیاب نہیں ہوں گے۔انہوں نے کہا کہ کراچی کو اپنا کہنے والوں ہی نے کراچی کو کھنڈرات میں تبدیل کیا ہے،کراچی تعمیر و ترقی کے سفر میں آج اگر پیچھے ہے تو انہی عناصر کی وجہ سے ہے جو کراچی پر اپنا حق ثابت کرنے کی کوشش کر رہے ہیں،مگر کراچی کے عوام دہشت گردوں کو پہچان چکے ہیں اور پانچ دسمبر کو وہ اپنے ووٹ کے طاقت سے کراچی کی تقدیر کا فیصلہ کریں گے۔عارف علوی نے کہا کہ کراچی منی پاکستان ہے،یہ ملک کو 70فیصدریونیو دیتا ہے مگر آج کراچی جن مسائل و مشکلات سے دوچار ہے اس سے کراچی کے عوام اچھی طرح آگاہ ہیں۔انہوں نے کہا کہ تحریک انصاف اور جماعت اسلامی مل کر شہر کی تعمیر و ترقی کے سفر کا آغاز کرے گی۔شہر کو ایک بار پھر روشنیوں کا شہر بنایا جائے گا۔ہم عوام کے تعاون اور اعتماد سے کراچی کو ایک ماڈل سٹی بنائیں گے۔عمران اسماعیل نے کہا کہ تحریک انصاف اور جماعت اسلامی کا اتحاد فطری اتحاد ہے،ہمارے اتحاد سے کراچی میں تعمیر و ترقی کا نیا سفر شروع ہوگا،عوام5دسمبر کو نئی تاریخ رقم کریں گے ۔متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.