بجلی کے بل میں اضافے کی بڑی وجہ سامنے آ گئی

جمعہ 4 دسمبر 2015 17:00

بجلی کے بل میں اضافے کی بڑی وجہ سامنے آ گئی

لاہور(اُردو پوائنٹ اخبار تازہ ترین۔4دسمبر2015ء) ماہرین نے بجلی کے بل زیادہ آنے کی وجہ دریافت کرتے ہوئے انتباہ کیا ہے کہ ہماری غفلت ہی بجلی کے بھاری بل کی صورت میں سامنے آتی ہے۔ اپنے موبائل فون چارجر اور دیگر برقی مصنوعات کو پلگ میں لگا چھوڑ دینا آپ کے بجلی کے بل میں اضافہ کر دیتا ہے جس کا آپ کو احساس تک نہیں ہوتا۔ فون چارجر وغیرہ کو اکثر لوگ پلگ میں لگا چھوڑ دیتے ہیں اور سوئچ بھی بند کرنے کا نہیں سوچتے۔

(جاری ہے)

اگرچہ موجودہ عہد کے چارجر بہت کم مقدار میں توانائی خرچ کرتے ہیں تاہم ماہرین نے انتباہ کیا ہے کہ اس حوالے سے مسلسل غفلت بجلی کے بھاری بل کی شکل میں سامنے آتی ہے۔ ماہرین کا کہنا ہے کہ دیوار پر لگے کسی بھی چارجر کا سوئچ بند نہ کیا جائے تو وہ کچھ مقدار میں بجلی خرچ کر رہے ہوتے ہیں۔ ان کے بقول اگر اس سے کوئی ڈیوائس نہیں بھی لگائی گئی تو بھی وہ بجلی تو چارج کر ہی رہے ہوتے ہیں۔ اگر چارجر سے فون نہ بھی لگا ہو تو بھی وہ بجلی کی مرکزی لائن سے منسلک ہوکر کچھ مقدار میں بجلی خرچ کر رہا ہوتا ہے۔ علاوہ ازیں چارجر کو پلگ میں لگا چھوڑ دینا اس کی زندگی کو بھی کم کر دیتا ہے۔

متعلقہ عنوان :