کیلیفورنیا فائرنگ واقعہ ، رضوان فاروق اور تاشفین ملک کے گھر والوں سے ایف بی آئی کی 4گھنٹے تک تفتیش
ہفتہ 5 دسمبر 2015 11:13
واشنگٹن(اُردو پوائنٹ اخبارتازہ ترین - آئی این پی۔05 دسمبر۔2015ء ) کیلیفورنیا میں فائرنگ کے ملزمان رضوان فاروق اور تاشفین ملک کے گھر والوں سے ایف بی آئی نے 4گھنٹے تک تفتیش کی ۔ فیملی کے وکیلوں ڈیوڈ چیزلی اور محمد عبدالرشید نے کہاہے کہ رضوان کے انتہاپسندی میں ملوث ہونے کے شواہد نہیں اورجس فیس بک اکاوٴنٹ کی بات کی جارہی ہے وہ تاشفین کانہیں تھا،تفتیشی حکام رضوان فاروق اور تاشفین ملک کا تعلق کسی بڑے دہشتگرد گروپ سے ثابت نہیں کرسکے،حملے پر اہل خانہ اور رشتے دار ’مکمل صدمے‘ میں ہیں، اہل خانہ کو اس بات کا بالکل بھی علم نہیں تھا کہ رضوان فاروق اور ان کی اہلیہ تاشفین ملک اس قسم کے حملے کرنے کے اہل ہو سکتے ہیں۔
کیلیفورنیا میں فائرنگ کے ملزم رضوان فاروق کی فیملی کے وکلا نے پریس کانفرنس کے دوران کہا کہ تفتیشی حکام رضوان فاروق اور تاشفین ملک کا تعلق کسی بڑے دہشتگرد گروپ سیتعلق ثابت نہیں کرسکے ہیں۔(جاری ہے)
انہوں نے بتایا کہ ایف بی آئی حکام نے واقعے کے بعد رضوان کی والدہ کو 7گھنٹے حراست میں رکھا ، رضوان کے بھائی بہنوں سمیت گھر والوں سے 4گھنٹے تفتیش کی گئی۔
وکیل نے کہا کہ فیس بک اکاوٴنٹ کسی اور نام سے تھا تو اسے تاشفین سے کیسے جوڑا جاسکتا ہے؟ رضوان فاروق کے انتہا پسندی یا جارحانہ مزاج سے متعلق شواہد بھی اب تک سامنے نہیں آئے۔وکیل نے میڈیا کے کردار پر سوال اٹھایا اور کہا کولوراڈو میں فائرنگ کا ملزم عیسائی تھا لیکن اس کے مذہب کا کہیں ذکر نہیں کیا گیا، اب میڈیا کیلفورنیا فائرنگ کے واقعے میں رضوان فاروق کو مسلم انتہاپسند کہہ کر ہیڈلائنز دے رہا ہے۔شواہد سامنے آنے سے پہلے یہ نہ کہا جائے کہ رضوان فاروق دہشت گرد تھا۔ کیلیفورنیا میں ہونے والے حملے میں شامل حملہ آوروں کے اہل خانہ کے وکلا نے کہا ہے کہ اس حملے پر اہل خانہ اور رشتے دار ’مکمل صدمے‘ میں ہیں۔اہل خانہ کا کہنا ہے کہ انھیں اس بات کا بالکل بھی علم نہیں تھا کہ سید رضوان فاروق اور ان کی اہلیہ تاشفین ملک اس قسم کے حملے کرنے کے اہل ہو سکتے ہیں۔سید رضوان اور تاشفین کے خاندان والوں کے وکیل ڈیوڈ چیزلی اور محمد عبدالرشید نے ایف بی آئی کو کسی نتیجے پر پہنچنے میں جلد بازی کرنے پر متنبہ کیا ہے۔وکیل ڈیوڈ چیزلی اور محمد عبدالرشید نے کہا کہ اس بات کے کوئی شواہد نہیں ہیں کہ یہ جوڑا انتہا پسند رویہ رکھتا تھا یا دونوں کسی جنگجو تنظیم کا رکن تھے۔مسٹر چیزلی نے کہا کہ تاشفین ملک بہت قدامت پسند تھیں۔ وہ برقہ پہنتی تھیں، ڈرائیونگ نہیں کرتی تھیں اور گھر کے مردوں سے ان کا بہت میل جول نہیں تھا۔جبکہ ایف بی آئی کے ڈائریکٹر جیمز کومی کا کہنا ہے کہ ’یہ شادی شدہ جوڑا بنیادی طور پر غیر ملکی شدت پسند گروہوں سے متاثر تھا۔تاہم ان کا کہنا ہے کہ ’اس جوڑے کے کسی بھی شدت پسندگروہ کا حصہ ہونے کے ثبوت نہیں ملے ہیں۔‘متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.