محمد عامر کی قومی ٹیم میں واپسی ایمانداری سے کھیلنے والے کھلاڑیوں کے ساتھ زیادتی ہوگی ‘ رمیز راجہ
ہفتہ 5 دسمبر 2015 15:07
لاہور( اُردو پوائنٹ اخبارتازہ ترین - این این آئی۔05 دسمبر۔2015ء) پاکستان کرکٹ ٹیم کے سابق کپتان اور پاکستان سپر لیگ کے سفیر رمیز راجہ نے محمد عامر کی قومی ٹیم میں واپسی کی مخالفت کرتے ہوئے اسے ایمانداری سے کھیلنے والے کھلاڑیوں کے ساتھ زیادتی قراردیا۔نجی ٹی وی سے گفتگو کرتے ہوئے رمیز راجہ کا کہنا تھا کہ محمدعامر نے ملک کو بدنام کیا اس لئے وہ عامر کو معاف نہیں کرسکتے، ملک کو بدنام کرنے والوں کو پاکستانی ٹیم سے دور رکھنا چاہیے۔
اگر حکومت میں ہوتا تو محمد عامر کو کبھی بھی ٹیم میں واپس آنے نہیں دیتا ۔محمد عامر پر 2010ء میں اسپاٹ فکسنگ میں ملوث ہونے کا اقرار کرنے کے بعد 5سال کے لیے کرکٹ کھیلنے پر پابندی عائد کردی گئی تھی جبکہ سزا مکمل کرنے کے بعد عامر کو رواں سال جنوری میں کرکٹ واپسی کی اجازت دی گئی تھی۔(جاری ہے)
محمد عامر نے ڈومیسٹک کرکٹ میں واپسی کے بعد قائداعظم ٹرافی میں بہترین کارکردگی کا مظاہرہ کیا تھا جبکہ بنگلہ دیش پریمئر لیگ میں چٹاگانگ وائکنگز کی جانب سے بہترین باؤلنگ کرتے ہوئے مصباح الحق اور شاہد آفریدی جیسے تجربہ کار بلے بازوں کی وکٹیں اڑا کر بین الاقوامی کرکٹ میں واپسی کی راہ ہموار کی ہے۔
تاہم رمیز راجہ نے عامر کو ٹیم میں جگہ دینے کی بھر پور مخالفت کردی۔انہوں نے پی سی بی کی جانب سے محمدعامر کیخلاف بیان دینے پرمحمدحفیظ کو شوکاز نوٹس دینے پر برہمی کا اظہار کرتے ہوئے کہا کہ حفیظ کو شوکاز دینے کے بجائے انہیں سچ کہنے پرسراہنا چاہیے ۔ ایک سوال کے جواب میں رمیزراجہ نے کہا کہ محمدعامر کو ٹیم میں شامل کرنا ان کھلاڑیوں کے ساتھ زیادتی ہوگی جو ایمانداری سے محنت کرکے قومی ٹیم میں منتخب ہونے کا انتظار کررہے ہیں۔واضح رہے پی سی بی کے چیئرمین شہریار خان اور قومی ٹیم کے ہیڈ کوچ وقار یونس نے محمد عامر کی ٹیم میں واپسی کی حمایت کرتے ہوئے انہیں دوسرا موقع دینے کی بات کی تھی۔دوسری جانب اطلاعات کے مطابق محمد عامر کو 7دسمبر سے انگلینڈ لائنز کے خلاف متحدہ عرب امارات میں شروع ہونے والی ٹی ٹونٹی سیریز کے لیے پاکستان اے ٹیم میں شامل کئے جانے کے قوی امکانات ہیں۔مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.