عبدالقادر نے پی سی بی کو سپاٹ فکسنگ میں ملوث تینوں کھلاڑیوں سے یکساں سلوک کرنے کا مشورہ دیدیا
منگل 8 دسمبر 2015 13:13
لاہور(اُردو پوائنٹ اخبارتازہ ترین - آن لائن08دسمبر۔2015ء)پاکستان کرکٹ ٹیم کے سابق لیگ اسپنر عبدالقادر نے پاکستان کرکٹ بورڈ(پی سی بی) کی جانب سے محمد عامر کو بین الاقوامی کرکٹ میں واپسی کی حمایت پر تنقید کرتے ہوئے اسپاٹ فکسنگ میں ملوث تینوں کھلاڑیوں سے یکساں سلوک کرنے کا مشورہ دیا۔پی سی بی نے گزشتہ ہفتے محمد عامرکی بین الااقوامی کرکٹ میں واپسی کے اشارے دیے تھے، قومی ٹیم کے ہیڈ کوچ وقاریونس اور چیف سلیکٹر ہارون الرشید نے ڈومیسٹک اور بنگلہ دیش پریمئر لیگ(بی پی ایل) میں محمد عامر کی بہترین کارکردگی کو سراہا تھا۔
اپنے ایک انٹرویو میں عبدالقادر نے کہا کہ پی سی بی کو چاہیے کہ عامر، سلمان بٹ اور محمد آصف کے ساتھ ایک جیسا برتاوٴ کرے کیونکہ تینوں کھلاڑی اسپاٹ فکسنگ میں ملوث تھے۔(جاری ہے)
انھوں نے کہا کہ "اب جیسا کہ تینوں کھلاڑی اپنی سزائیں مکمل کرچکے ہیں اور انٹرنیشنل کرکٹ کونسل (آئی سی سی ) اور پی سی بی نے انھیں کرکٹ کھیلنے کی اجازت دی ہے تو ایسے میں سب کے ساتھ برابری کے ساتھ پیش آنا چاہیے"۔
عبدالقادر کا ماننا ہے کہ اگر پی سی بی صرف محمد عامر کو بین الاقوامی کرکٹ کھیلنے کی اجازت دیتا ہے تو یہ دیگر دوکھلاڑیوں کے ساتھ ناانصافی ہوگی۔عبدالقادر کا اصرار تھا کہ "جب ایک کھلاڑی اپنی غلطیوں کی سزا بھگت چکا ہے تو پھر اسے کھیل میں واپس آنے سے روکنے کی کوئی وجہ نہیں"۔عبدالقادر نے کہا کہ"پی سی بی کو عامر کے خلاف بیان دینے پر محمد حفیظ کو نوٹس نہیں بھیجنا چاہیے تھا یہ ان کا ذاتی خیال تھا اور محمد عامر اس وقت پی سی بی کا کنٹرکٹ کھلاڑی نہیں ہے"۔پاک-انڈیا دوطرفہ کرکٹ سیریز پر پی سی بی کی پالیسی کو یکسر مسترد کرتے ہوئے انھوں نے کہا کہ" میری سمجھ میں نہیں آتا کیوں پاکستان بار بار ہندوستان کے پیچھے جارہاہے یہاں تک کہ ایک اندھا شخص بھی دیکھ سکتا ہے کہ ہندوستان دھوکا دے رہا ہے لیکن پی سی بی کو اس کی سمجھ نہیں"۔ انھوں نے کہا کہ اس معاملے پر آئی سی سی کو ضرور مداخلت کرنی چاہیے۔ورلڈ ٹی ٹوئنٹی کی تیاریوں پر ان کا کہنا تھا کہ شاہد آفریدی کو بطور کپتان ٹیم کے انتخاب میں پورااختیار دیاجانا چاہیے، "سلیکٹرز آفریدی کے مشورے کے مطابق بہترٹیم ترتیب دے پائیں گے"۔مزید کھیلوں کی خبریں
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
-
کیا عماد وسیم چوتھا ٹی ٹونٹی انٹرنیشنل کھیلیں گے؟
-
محمد رضوان کے دورہ آئرلینڈ، انگلینڈ سے محروم ہونے کا امکان
-
سرگودھایونیورسٹی میں 20ویں سالانہ سپورٹس گالا اور 45 ویں آل پاکستان فٹ بال چیمپئن شپ کی سرگرمیاں شروع ہوگئیں
-
انڈین پریمیئر لیگ میں واحد میچ رائل چیلنجرز بنگلورو اور سن رائزرز حیدرآباد کی ٹیموں کے مابین کل کھیلا جائے گا
-
انگلش پریمیئرلیگ میں دلچسپ مقابلے جاری، (کل) مزید 4 میچ کھیلے جائیں گے
-
ارسلان ایش ویزا مسائل کے باعث دنیا کے سب سے بڑے ٹورنامنٹ میں شرکت سے محروم
-
آئی پی ایل، لکھنو سپر جائنٹس نے چنائی سپرکنگز کو6 وکٹوں سے ہرا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.