پاک بھارت تعلقات اب معمول پر آچکے ہیں‘اداکار رضا مراد

بدھ 9 دسمبر 2015 11:41

ممبئی(اُردو پوائنٹ اخبارتازہ ترین - این این آئی۔09 دسمبر۔2015ء) بالی ووڈ اداکاررضا مراد نے کہا ہے کہ بھارت میں حالات مستحکم ہیں اورمعمولی کشیدگی کے بعد اب معمولات زندگی اپنی روٹین پرآچکے ہیں۔ لوگ ہنسی خوشی زندگی بسر کررہے ہیں اورکسی قسم کا تناوٴبھی دیکھنے میں نہیں آ رہا۔ ان خیالات کا اظہاررضا مراد نے اپنے ایک انٹرویو میں کیا۔

(جاری ہے)

انھوں نے کہا کہ روزمرہ کی زندگی میں کبھی کبھار کچھ واقعات ایسے رونما ہوتے ہیں کہ جن سے فائدہ اٹھانے کے لیے مخالفین اپنا منفی کردارادا کرتے ہیں لیکن سمجھداری اسی میں ہے کہ جلد معاملات کو سدھارلیا جائے۔

جہاں تک بات میری ہے تومیں معمول کے مطابق اپنے پروجیکٹس میں کام کررہا ہوں۔میں ممبئی میں رہتاہوں اور بھارت کے دوردراز علاقوں میں شوٹنگ کے لیے جاتا ہوں۔ جہاں بھی جاتا ہوں لوگ بے حد پیار کرتے ہیں ان کی چاہت دیکھ کراکثرمیری آنکھیں نم ہوجاتی ہیں۔ اسی طرح میں جب پاکستان آتا ہوں تووہاں بھی لوگوں کی چاہت ، محبت اورخلوص کو لفظوں میں بیان کرنا مشکل ہوجاتا ہے۔ میرا دل چاہتا ہے کہ میں سال میں دو سے تین مرتبہ ضرور پاکستان جاوٴں لیکن اپنی فنی مصروفیات کی وجہ سے ایساممکن نہیں ہوپاتا۔

Facebook Twitter Google + Share on Whatsapp

پاک بھارت تعلقات اب معمول پر آچکے ہیں‘اداکار رضا مراد

متعلقہ عنوان :

مزید فن و فنکار کی خبریں