نمرت کور نے حزب ا لمجاہدین کو والد کی ہلاکت کا ذمہ دار قرار دیدیا

جمعرات 10 دسمبر 2015 13:20

ممبئی(اُردو پوائنٹ اخبارتازہ ترین - آئی این پی۔10 دسمبر۔2015ء)بولی ووڈاداکارہ نمرت کورآجکل اپنی نئی آنے والی فلم ”ایئر لفٹ “ کی شوٹنگ میں مصروف ہیں۔33سالہ اداکارہ ایئر لفٹ میں اداکار اکشے کمار کے مقابل مرکزی کردار ادا کر رہی ہیں۔ اداکارہ نے ٹائمز آف انڈیا کو دیے حالیہ انٹرویو کے دوران بتایا کہ انکا تعلق سکھ خاندان سے ہے۔ اداکارہ کا کہنا تھا کہ انکے والد ایک آرمی آفیسر تھے جس کی وجہ سے جہاں والد کی پوسٹنگ ہوتی انھیں انکے ساتھ وہیں رہنا پڑتا تھا۔

(جاری ہے)

اپنے والد کے متعلق انکا کہنا تھا کہ انھیں کشمیری مذہبی جماعت حزب المجاہدین نے انکے مطالبات پورے نہ کرنے پر ہلاک کیا تھا۔انھوں نے بتایا کہ والد کی شہادت پر بھارتی حکومت کی طرف سے انھیں شوریا چکر کے اعزاز کے ساتھ چھوٹا سا زمین کا ٹکڑا بھی دیا گیاتھا۔ اداکارہ نے بتایا کہ جس وقت انھوں نے بولی ووڈ میں قسمت آزمائی کا فیصلہ کیا انکی والدہ باپ کی قلیل پینشن پر گزارا کر رہی تھیں۔واضح رہے اداکارہ کی فلم ”ایئر لفٹ“آئندہ سال کے اوائل میں نمائش کیلئے پیش کی جائے گی

Facebook Twitter Google + Share on Whatsapp

نمرت کور نے حزب ا لمجاہدین کو والد کی ہلاکت کا ذمہ دار قرار دیدیا

مزید فن و فنکار کی خبریں