کراچی ،عالمی منڈی میں اضافے کے بعد ملک بھر میں بھی ایل پی جی کی قیمتوں میں اضافہ

ایک کلو ایل پی جی 10، گھریلو 120 اور کمرشل سلنڈر 480 روپے مہنگا ہو گیا

جمعرات 10 دسمبر 2015 22:45

کراچی (اُردو پوائنٹ اخبارتازہ ترین - آن لائن۔10 دسمبر۔2015ء) عالمی منڈی میں ایل پی جی کی قیمت میں اضافے کے بعد ملک میں بھی ایل پی جی کی قیمتوں میں اضافہ ہو گیا ہے۔ ایک کلو ایل پی جی 10روپے، گھریلو سلنڈر 120روپے اور کمرشل سلنڈر 480 روپے مہنگا ہو گیا ہے ۔ایل پی جی کی قیمتوں میں اضافے کے بعدکراچی میں ایل پی جی کی فی کلو قیمت 105روپے،1210روپے گھریلو سلنڈر،لاہور، گوجرانوالہ، گجرات، فیصل آباد، جہلم، قصور، ساہیوال، سیالکوٹ، ڈسکہ، پشاور 115روپے فی کلو، 1330روپے گھریلو سلنڈر۔

رحیم یار خان، صادق آباد، حیدر آباد، ، اٹک ، 115روپے فی کلو1330روپے گھریلو سلنڈر۔ میرپور آزاد کشمیر120روپے فی کلو، 1390روپے گھریلو سلنڈر۔ راولپنڈی ، اسلام آباد، ایبٹ آباد،مظفر آباد، باغ، فاٹا، کوٹلی، ٓآزادکشمیر، ٹنڈو محمد خان، ٹنڈو اللہ یار، میر پور خاص، عمر کوٹ، نواپ شاہ، منباری، ٹھٹہ، دادو، جام شورو، شکار پور 130۱روپے فی کلو، 1510روپے گھریلو سلنڈراور گلگت بلتستان، مری،نتھیا گلی، بالاکوٹ140روپے کلو اور گھریلو سلنڈر1630روپے کا ہو گیا ہے ۔

(جاری ہے)

ایل پی جی ڈسٹری بیوٹرز ایسوسی ایشن کے چےئرمین عرفان کھوکھر نے کہا ہے کہ ایل پی جی کی قیمتوں میں بے بنیاد اضافہ کر کے چند عناصر حکومت کو بدنام کرنے کی سازش کر رہیں ہیں ۔ ایل پی جی مافیہ ایک بارپھر لوٹ مار کا بازار گرم کرنے میں سرگرم عمل ہو گیا ہے۔ انہوں نے کہا کہ پاکستان میں انرجی کا بحران ہے اور قدرتی گیس کی قلت سے گھروں کے چولہے ٹھنڈے ہونے والے ہیں اگر ایل پی جی کی قیمتوں کے حوالے سے ایل پی جی ڈسٹری بیوٹرز ایسوسی ایشن کی گزارشات پر عمل کرتے ہوئے جامع پالیسی تشکیل نہ دی گئی تو ہم 20دسمبر کو احتجاجن ایل پی جی کی ملک گیر ہڑتال کا اعلان کر دینگے۔

انہوں نے کہا کہ سردیوں میں لوگوں کے گھروں کے چولہے بند نہیں کرنا چاہتے لیکن ہم حکومتی اداروں کے ہاتھوں اتنا تنگ پڑ گئے ہیں کہ ہمارے پاس اپنا کاروبار بند کرنے کے علاوہ اور کوئی راستہ نہیں رہا۔