سیوریج سسٹم سے متعلق شہریوں کی شکایات کے ازالے کے لئے واٹر بورڈ خصوصی اقدامات کر رہا ہے،ایم ڈی واٹر بورڈ
جمعرات 10 دسمبر 2015 22:50
کراچی(اُردو پوائنٹ اخبارتازہ ترین - این این آئی۔10 دسمبر۔2015ء)سیوریج سسٹم سے متعلق شہریوں کی شکایات کے ازالے کے لئے واٹر بورڈ خصوصی اقدامات کر رہا ہے تاکہ شہرکے کسی بھی علاقہ میں اوور فلو نہ ہو،جبکہ موصولہ شکایات پر فوری اقدامات بھی کئے جارہے ہیں ،شہریوں سے ملنے والی شکایات پر بھی کارروائی کی جارہی ہے ایم ڈی واٹر بورڈ خود بھی ان درخواستوں پر متعلقہ افسران کو ہدایات جاری کر رہے ہیں ،کراچی واٹر اینڈ سیوریج بورڈ کے منیجنگ ڈائریکٹر مصبا ح الدین فرید نے ڈپٹی منیجنگ ڈائریکٹر ٹیکنیکل سر وسز ،تمام چیف انجینئرز، سپر نٹنڈنگ انجینئرز،ایگزیکٹو انجینئرز (سیوریج) کوسختی سے ہدایت کی ہے کہ اپنے علاقوں کا روزانہ دورہ کریں اور اسے اپنے معمولات کا حصہ بنائیں اور موصولہ شہریوں کی شکایات کا ازالہ کریں اور اس کی تحریری رپورٹ روزانہ کی بنیاد پر ایم ڈی سیکریٹریٹ کو دی جائے خاص طور پر اوور فلو کی شکایات کا بھی بلا تاخیر ازالہ کیا جائے ، ایم ڈی واٹر بورڈ نے شہر یوں سے واٹر بورڈ کا پانی و سیوریج ٹیکس بل اد ا کر نے اور شکایات کے ساتھ ادا شدہ بل کی کاپی لگا نے کے لئے بھی کہاہے ،کیونکہ شکایات کا ازالہ بلوں کی ادائیگی سے مشروط کر دیا گیا ہے،کسی بھی علاقہ میں اوور فلو کی شکایات پر سخت کاروائی کی جائے گی،ایم ڈی واٹر بورڈ نے کہا ہے کہ اہم شاہراہوں اور اہم علاقوں میں تمام سیوریج لائنوں کی مشینری اور افرادی قوت (کنڈی مین) سے صفائی کاعمل جاری رکھاجائے کیو نکہ عام طور پر مو سم سر ما میں پانی کے کم دباؤ کی وجہ سے کچرا جمع ہوسکتا ہے ،جس کی با قاعدگی سے صفائی ضروری ہے ، شہر کے تمام مقامات سے سیوریج اوورفلو کی شکایات کا ازالہ کیاجائے اور متعلقہ ضلعی میو نسپل کارپوریشن اور بلدیہ عظمیٰ کراچی کے زیرانتظام علاقوں اور نالوں میں سیوریج کی صفائی کے لئے مستقل بنیادوں پر رابطہ بر قرار رکھا جائے ،اسی طرح جہاں بھی گٹر پر ڈھکن نہ ہوں ان کو 3 دن میں لگا دیا جائے ،انہوں نے واٹر بورڈ کے تمام ضلعی چیف انجینئر ز کو ہدایات دیتے ہوئے کہا ہے کہ اپنے متعلقہ زون میں فراہمی و نکاسی آب کی لائنوں ،پمپنگ اسٹیشنوں،ریزر وائر پر اور واٹر بورڈ کی تنصیبات پر گہری نگاہ رکھیں اور جہاں کہیں بھی فراہمی آب کی لائنوں میں لیکجز ہوں تو وقت ضائع کئے بغیر اس کی فوری مرمت کروائیں اور رساؤ کی جگہ سے کھڑے ہو نے والے پانی کو فوری طور پر صاف کرا دیاجائے ،تاکہ مچھر وں کی افزائش کو روکا جاسکے۔
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.