سرد ہواوں نے کراچی کا رخ کر لیا ،استعمال شدہ گرم ملبوسات کے نرخ میں30سے50 فیصد اضافہ
ڈالر مہنگا ہونے کے سبب اور ٹرانسپوٹیشن چارجز میں اضافے کی وجہ سے اخراجات بڑھ گئے ہیں،دکاندار
جمعہ 11 دسمبر 2015 15:50
کراچی(اُردو پوائنٹ اخبارتازہ ترین - این این آئی۔11 دسمبر۔2015ء) سرد ہواؤں نے کراچی کا رخ کرلیا ہے، محکمہ موسمیات نے کراچی میں آئندہ 2 روز میں ٹھنڈی ہوائیں چلنے کی پیش گوئی کرتے ہوئے کہا ہے کہ آئندہ 24گھنٹوں کے دوران درجہ حرارت میں نمایاں کمی آئے گی اور موسم سرد رہے گا۔سردی بڑھتے ہی شہر قائد میں گرم ملبوسات کی فروخت میں اضافہ ہوگیا ہے اور شہریوں کی بڑی تعداد نے گرم کپڑوں کی خریداری کیلیے لائٹ ہاؤس، صدر اور شہر کے دیگر مقامات کا رخ کرلیاہے۔
استعمال شدہ گرم ملبوسات کے نرخ میں بھی اضافہ کردیا گیا ہے۔تفصیلات کے مطابق سرد ہواؤں نے کراچی کا رخ کرلیا ہے، محکمہ موسمیات کے ترجمان نے کراچی میں آئندہ 2روز میں ٹھنڈی ہوائیں چلنے کی پیش گوئی کی ہے۔ محکمہ موسمیات کے کراچی میں آئندہ 24گھنٹوں کے دوران درجہ حرارت میں نمایاں کمی آئے گی اور موسم سرد رہے گا۔(جاری ہے)
موسم میں تبدیلی کے ساتھ ہی شہریوں نے گرم ملبوسات کی خریداری شروع کردی ہے، زیادہ تر شہری اونی سوئیٹر اور جیکٹ کی خریداری میں مصروف رہے جبکہ موٹرسائیکل سوار مفلر اور دستانے خریدتے دکھائی دیے، لائٹ ہاؤس میں دستیاب استعمال شدہ گرم ملبوسات کے نرخ میں30سے50 فیصد اضافہ دیکھا گیا،دکانداروں کا کہناہے کہ ڈالر مہنگا ہونے کے سبب اور ٹرانسپوٹیشن چارجز میں اضافے کی وجہ سے اخراجات بڑھ گئے ہیں، خریداروں کا کہنا ہے کہ دکاندار وزن کے حساب سے گرم ملبوسات ہول سیل ریٹ پر خریدتے ہیں مگر عوام کو چھانٹنے کے بعد کوالٹی کے حساب سے مہنگے داموں بیچ رہے ہیں۔
جس کی وجہ سے استعمال شدہ گرم ملبوسات بھی اب عام آدمی کی دسترس سے باہر ہوگئے ہیں، لنڈا بازار میں گرم کپڑوں کے کاروبار سے منسلک دکانداروں کے مطابق کراچی میں ہر سال2سے3ارب روپے کے گرم کپڑے در آمد کیے جاتے ہیں اور ان کپڑوں کی تعداد کروڑوں میں ہوتی ہے جو کہ نہ صرف کراچی اندروں ملک میں بھی دکاندار فروخت کے لیے لے کر جاتے ہیں۔اس وقت کراچی میں مختلف اقسام کے گرم استعمال شدہ ملبوسات مختلف ریٹس پر دستیاب ہیں جس میں لیدر جیکٹس سب زیادہ مہنگی فروخت کی جارہی ہیں جن کی قیمت600 سے لیکر 1000تک ہے ،جینز کی جیکٹ کی قیمت200سے350 روپے ہے،مخلتف اقسام کے گرم کوٹ بھی کوالٹی کے حساب سے 500 سے800 تک کی قیمت میں دستیاب ہیں جبکہ واسکوٹ اور سوئیٹر200سے500تک کے نرخ میں فروخت کیے جا رہے ہیں۔مزید تجارتی خبریں
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.