خیبرپختونخوا میں میٹرو بس پر نہیں انسانوں پر پیسہ خرچ کیا جائے گا، عمران خان ۔۔۔ ساڑھے 3 ارب عوام کی دولت لوگوں کے پاس ہے‘ پیسے کمانے سے عزت نہیں ہوتی بلکہ انسانوں کی خدمت کرنے سے ہوتی ہے، پشاور میں اسلامیہ کالج یونیورسٹی کی صد سالہ تقریب سے خطاب
اتوار 13 دسمبر 2015 18:32
پشاور (اُردو پوائنٹ اخبارتازہ ترین - آن لائن۔13 دسمبر۔2015ء) چیئرمین تحریک انصاف عمران خان نے کہا ہے کہ خیبرپختونخوا میں میٹرو بس پر نہیں انسانوں پر پیسہ خرچ کیا جائے گا۔ ‘ ساڑھے 3 ارب عوام کی دولت لوگوں کے پاس ہے‘ پیسے کمانے سے عزت نہیں ہوتی بلکہ انسانوں کی خدمت کرنے سے ہوتی ہے۔ ان خیالات کا اظہار انہوں نے اتوار کے روز پشاور میں اسلامیہ کالج یونیورسٹی کی صد سالہ تقریب سے خطاب کرتے ہوئے کیا ہے۔
عمران خان نے کہا کہ کہ میں سمجھا یہاں کنونشن ہو گا مگر یہ تو جلسہ ہے لیکن آج کوئی سیاسی بات نہیں کروں گا۔ آج میں نوجوانون کو بتانے آیا ہوں کہ ملک کے نوجوان ایک نیا پاکستان بنائیں گے۔ پیسے سے عزت حاصل نہیں کی جا سکتی کیونکہ عزت اور ذلت دینے والی خدا کی ذات ہے۔(جاری ہے)
انہوں نے کہا دنیا پر آنے کا مقصد اللہ تعالیٰ کی زمین پر انصاف قائم کرنا ہے۔
پیسے کے پیچھے لگنے والے بڑے انسان نہیں بن سکتے۔ عظیم انسان بننے کے لئے اچھی سوچ لازمی ہے۔ پیسے کمانے والی سوچ بڑا انسان نہیں بنا سکتی بڑا انسان بننے کے لئے ہمیں اپنی سوچ بڑی کرنا ہو گی۔ انصاف کہاں قائم ہو گا دنیا میں ساڑھے تین ارب عوام کی دولت صرف 80 لوگوں کے پاس ہے۔ عمران خان کا مزید کہنا تھا کہ لوگ کہتے ہیں میں بڑے خواب دیکھنا ہوں میں انکو بتانا چاہتا ہوں بڑے خوابوں کی تعبیر مشکل ہوتی ہے، شوکت خانم بنانے کا خواب دیکھا تو سب نے کہا پاکستان میں کینسر کا اتنا بڑا ہسپتال نہیں بن سکتا لیکن میں نے کبھی ہار نہیں مانی لاہور میں شوکت خانم بنا کر اپنا خواب پورا کیا ، تحریک انصاف بنانے کے حوالے سے انہوں نے کہا کہ لوگوں نے کہادو جماعتی نظام کے ہوتے ہوئے تیسری بڑی جماعت نہیں بن سکتی لیکن میں نے ہمت نہیں ہاری اور آج ہماری پارٹی تیسری بڑی جماعت ہے۔ نطام کو ٹھیک کرنے کا ارادہ کیا ہے جب بھی ٹھیک کرنے جاتے ہیں لوگ سٹے آرڈر لے لیتے ہیں۔ چاہے کچھ بھی ہو جائے اس نظام کو ٹھیک کر کے دکھائیں گے۔ کامیاب انسان کبھی غلطیوں کو نہیں مانتا بلکہ آگے بڑھتا رہتا ہے۔ عمران خان نے کہا کہ ہم ماحولیاتی تبدیلی سے متاثرہ 10 ملکوں میں شامل ہیں کے پی کے میں 2018ء تک 10 ارب درخت لگانے کا ٹارگٹ رکھا ہے۔متعلقہ عنوان :
مزید قومی خبریں
-
رینجرز اور پولیس کی مشترکہ کارروائی، متعدد وارداتوں میں ملوث4 ملزمان گرفتار
-
لاہور کے صحافیوں کے لئے جلد فیز ٹو لا رہے ہیں،ہماری ڈکشنری میں فیورٹ ازم نہیں: عظمیٰ بخاری
-
پنجاب بھرمیں 1124ٹریفک حادثات رپورٹ ،1270افراد زخمی
-
لاہور کے صحافیوں کیلئے جلد فیز ٹو لا رہے ہیں،ہماری ڈکشنری میں فیورٹ ازم نہیں‘ عظمی بخاری
-
چیئرمین سینیٹ سید یوسف رضا گیلانی سے ڈپٹی چیئرمین سینیٹ سیدال خان ناصر کی ملاقات
-
وزیراعلی پنجاب نے ناروال میں گاڑی کی ٹکر سے بچے کی ہلاکت کا نوٹس لے لیا‘ عظمی بخاری
-
گیس چوروں کے خلاف کریک ڈائون جاری
-
سرکاری بلڈنگزکی تعمیر کامعاملہ، بورڈآف ریونیوحکومت پنجاب نے 1ارب 27کروڑ 69لاکھ پانچ ہزارروپے کے فنڈزجاری کردئیے
-
حکومت کی مثبت پالیسیوں کی بدولت آئی ٹی سیکٹر کو مزید ترقی ملے گی ،پاکستان عالمی سطح پر آئی ٹی کے شعبے میں لیڈر بننے جا رہا ہے،شیزا فاطمہ خواجہ
-
100 گرام روٹی کا نرخ 15 روپے مقرر کیا گیا ہے،ڈپٹی کمشنر
-
علی امین گنڈاپورکے خلاف غیر قانونی شراب اور اسلحہ کیس کی سماعت 19اپریل تک ملتوی
-
صدرمملکت کے پارلیمنٹ کے مشترکہ اجلاس سے خطاب کے موقع پرگیلریاں مہمانوں سے بھری رہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.