وفاق اور سندھ میں بلا جواز خلیج جمہوریت کے لئے بد شگون ہے،علی اکبر گجر
کراچی کے امن اور ترقی کے لئے رینجرز کے اختیارات میں فی الفور توسیع نا گزیر ہے
اتوار 13 دسمبر 2015 19:00
کراچی (اُردو پوائنٹ اخبارتازہ ترین - این این آئی۔13 دسمبر۔2015ء) پاکستان مسلم لیگ (ن) سندھ کے نائب صدر علی اکبر گجر نے کہا ہے کہ وفاق اور سندھ میں بلا جواز خلیج جمہوریت کے لئے بد شگون ہے۔ اگر خدا نخواستہ یہ غلط فہمیاں بڑھتی چلی گئین تو ملک میں پارلیمانی نظام اور جمہوریت کا وجود خطرے میں پڑ سکتا ہے۔ دشمن نہیں چاہتے کہ کراچی میں امن قائم ہو کیونکہ ملک کی اقتصادی ترقی کراچی کے امن اور ترقی سے جڑی ہوئی ہے۔
اس لئے ضروری ہے کہ حکومت سندھ جمہوریت کے مستقبل اور قوم کے وسیع تر مفاد میں ضد اور محاذ آرائی کا رویہ ترک کر کے رینجرز کے اختیارات میں فی الفور توسیع کر دے تاکہ رینجرز قیام امن کے لئے اپنا ادھورا مشن پورا کر سکیں۔ انہوں نے کہا کہ کل تک کراچی بد امنی، لاقانونیت، گینگ وار، ٹارگٹ کلنگ اور بھتہ خوری کی خوفناک آگ میں جل رہا تھا۔(جاری ہے)
شہر قائد اعظم کے عوام خوف اور دہشت کے سائے تلے زندگی گزارنے پر مجبور تھے اور سندھ کی مائیں بہنیں ایک بار پھر کسی محمد بن قاسم کی راہ دیکھ رہی تھیں۔
قائد جمہوریت میاں نواز شریف بر سر اقتدار آئے تو انہوں نے عوامی خواہشات کے پیش نظر کراچی کو امن کا گہوارہ بنانے کے لئے پوری قوم کو اعتماد میں لے کر رینجرز کے ذریعے "کراچی آپریشن" کا آغاز کیا جس کے دو ہی سال میں مثبت نتائج برآمد ہوئے اور کراچی کے امن کا خواب شرمندہ تعبیر ہو گیا جس پر اندرونی اور بیرونی دشمنوں کی نیندیں حرام ہو گئیں اور وہ سندھ اور وفاق میں نفاق پیدا کرنے کے لئے در پردہ سازشوں میں مصروف ہیں اور سندھ، وفاق اور قانون نافذ کرنے والے اداروں کو باہم سرکشی پر مجبور کر رہے ہیں۔ علی اکبر گجر نے مزید کہا کہ رینجرز کے اختیارات کی توسیع میں تاخیر کا فائدہ ملک اور جمہوریت دشمنوں کو مل رہا ہے جو نہیں چاہتے کہ پاکستان اور اس کے عوام آگے بڑھیں۔مزید اہم خبریں
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.