بچوں کے معاملے پر کسی قسم کی کوتاہی نہیں برتی جائے گی، جمائماخان سے علیحدگی کے بعدمیرے بچے بچھڑے تو بہت دکھ ہوا، خود باپ ہوں ، شہداکے لواحقین کا غم سمجھتاہوں ، شہید بچوں کی جب تصاویر دیکھیں تو فوری دھرناختم کر کے ظالموں کے پیچھے جانے کا فیصلہ کیا، یہ کوئی سیاسی بات نہیں ، متاثرہ خاندانوں کیلئے جوکچھ ہوسکا کریں گے
تحریک انصاف کے چیئرمین عمران خان کا سانحہ آرمی پبلک سکول پشاور کی پہلی برسی کے موقع پر تقریب سے خطاب
بدھ 16 دسمبر 2015 18:39
پشاور((اُردو پوائنٹ اخبارتازہ ترین - آئی این پی۔16دسمبر۔2015ء) )پاکستان تحریک انصاف کے چیئرمین عمران خان نے کہا ہے کہبچوں کے معاملے پر کسی قسم کی کوتاہی نہیں برتی جائے گی، جمائماخان سے علیحدگی کے بعدمیرے بچے بچھڑے تو مجھے بہت دکھ ہوا، میں خود باپ ہوں ، شہداکے لواحقین کا غم سمجھتاہوں ، شہید بچوں کی جب تصاویر دیکھیں تو اس وقت فیصلہ کیاکہ دھرنا وغیرہ سب کچھ چھوڑ دیں اورصرف ان ظالموں کے پیچھے جاناہے ، یہ کوئی سیاسی بات نہیں، ہماری کوتاہی ہے تو بتا ئی جائے ، متاثرہ خاندان اپنے مطالبات پیش کریں ،ہم سے جوکچھ بھی ہوا ، کریں گے ۔
وہ بدھ کوپشاور میں سانحہ آرمی پبلک سکول پشاور کی پہلی برسی کے موقع پر تقریب سے خطاب کر رہے تھے۔ اس موقع پر عمران خان نے طلباء کو خوشخبری سنائی کہ ہری پور میں خیبرپختونخوا کی سب سے بڑی اور سٹیٹ آف دی آرٹ ٹیکنیکل یونیورسٹی ہری پور میں بنانے جارہے ہیں جو شہداء کے نام پر بنائی جائے گی اور جلدہی معاہدے پر دستخط ہونے والے ہیں۔(جاری ہے)
تقریب سے خطاب کرتے ہوئے تحریک انصاف کے چیئرمین عمران خان نے کہا کہ تحریک انصاف کے چیئرمین عمران خان نے کہا کہ ان کی والدہ کینسر کے مرض میں مبتلا تھیں اور اسی مرض میں ہی اﷲ کو پیاری ہوگئیں ، ایمان بڑا کمزور ہواکہ وہ والدہ جواپنے بچوں کو پیار دیتی تھیں ، وہ بھی کھوگئی ہیں لیکن اسی دوران پتہ چلا کہ پاکستان میں کوئی کینسر کا ہسپتال نہیں اور آج شوکت خانم کو ہرکوئی جانتاہے ، اس وقت علم ہواکہ اﷲ تعالیٰ نے کوئی بڑا کام لینا تھا۔
عمران خان نے کہاکہ جب جمائماخان سے علیحدگی کے بعدمیرے بچے بچھڑے تو مجھے بہت دکھ ہوا، میں خود باپ ہوں ، شہداکے لواحقین کا غم سمجھتاہوں ، جہاں تک آپ لوگوں کا دھرنے پر اعتراض ہے تو وہ میری ذات کیلئے نہیں تھا، میرے پاس اپنی ذات کیلئے کسی چیز کی کمی نہیں اور نہ ہی کسی سے ذاتی لڑائی تھی ، سب کچھ ملک کیلئے کررہاہوں۔عمران خان نے کہا کہ دھرنے کے دوران شہید بچوں کی جب تصاویر دیکھیں تو اس وقت فیصلہ کیاکہ دھرنا وغیرہ سب کچھ چھوڑ دیں اورصرف ان ظالموں کے پیچھے جاناہے ، یہ کوئی سیاسی بات نہیں ہے ، عمران خان خود بھی ایک انسان ہے ۔ انہوں نے کہا کہ ہم بچے تو واپس نہیں لاسکتے ، ہم سب سے بڑی دعا یہی دے سکتے ہیں کہ اﷲ تعالیٰ آپ کو صبر دے ، سب مل کر یہ کرسکتے ہیں کہ ان بچوں کی وجہ سے دہشتگردی کس قدر کم ہوگئی ، مائیں جنہوں نے تکلیف دیکھنا تھی لیکن نہیں دیکھی کیونکہ ملک دہشتگردی کے خلاف اکٹھا ہوگیا، اور بچے بہترزندگی گزاریں گے اور مائیں بچوں کو سکول بھیجنے سے نہیں گھبرائیں گی ، باقی وزیراعظم نواز شریف نے ایک یونیورسٹی کااعلان کردیاہے۔ تحریک انصاف کے چیئرمین عمران خان نے متاثرہ والدین کو سٹیج پر بلالیااور سٹیج ان کیلئے چھوڑتے ہوئے ہدایت کی کہ ہماری کوتاہی ہے تو بتائیں ، باری باری اپنے مطالبات پیش کریں ،ہم سے جوکچھ بھی ہوا ، کریں گے ,بچوں کے معاملے پر کسی قسم کی کوتاہی نہیں برتی جائے گی۔ تقریب میں چیئرمین تحریک انصاف عمران خان خطاب شروع کرنے والے تھے کہ تقریب بدنظمی کا شکار ہو گئی اور شہداء کے والدین نے احتجاج شروع کر دیا ۔ سانحہ اے پی ایس پشاور کے شہید بچے کے والد نے خطاب کرتے ہوئے عمران خان کے اقدام کو سراہا اور کہاکہ ہمیں پلاٹ ، پیسہ یاگھر نہیں چاہیے ، انصاف چاہیے ،ہمیں بتائیں کہ ایک سال میں صوبائی حکومت نے کونسی ذمہ د اریاں پوری کی ہیں ؟ آئی جی نے نااہلی کا اعتراف کیا لیکن اب تک انہیں معطل کیوں نہیں کیاگیا، ہم سے کئے گئے وعدے آج تک پورے نہیں ہوئے ، سانحہ آرمی پبلک سکول کے ذمہ داران کا تعین کرنے کیلئے جوڈیشل کمیشن قائم کئے جائیں۔شہید بچے کے والد نے کہا کہ ہمیں وہ مسکراتے ہوئے چہرے بھی یاد ہیں جنہوں نے پشاور آنے کا اعلان کیاتھا ، لائبریری نام کرنے سے کچھ نہیں ہوتا، سیاستدان آتے جاتے ہیں لیکن وہ شہید بچوں کے لواحقین کے پاس کیوں نہیں جاتے۔متعلقہ عنوان :
مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.