بگ 3 دور میں چھوٹے ممالک کو فنڈز کی کمی کے خدشات لاحق ہونے لگے

جمعہ 18 دسمبر 2015 16:53

لندن (اردو پوا ئنٹ تازہ ترین اخبار18دسمبر- 2015ء) بگ 3 دور میں چھوٹے ممالک کو آئی سی سی کی جانب سے فنڈز میں کمی کے خدشات لاحق ہو گئے ہیں جس پر ان میں کافی غم و غصہ پایا جا رہا ہے ۔ ایک تجزیے کے مطابق کرکٹ کی گورننگ باڈی دوسرے ملکوں کے مقابلے میں افغانستان اور آئرلینڈ کو پہلے ہی بہت زیادہ رقم دے چکی ہے ، یہ اضافی رقم ان ایسوسی ایٹ اور ایفلی ایٹ ممالک کے فنڈز میں سے ہی ادا کی گئی تھی ۔

افغانستان اور آئرلینڈ کو آئی سی سی کی درجہ بندی کے اعتبار سے سالانہ 1.7 ملین ڈالرز کی خطیر رقم دی گئی اور اب وہ سالانہ 3 ملین ڈالرز ایسوسی ایٹ ممالک کے ریونیو سے مزید وصول کریں گے ، دیگر ممالک کا یہی کہنا ہے کہ انہیں یہ رقم ان کے خزانے سے ادا کی جائے گی جس کے سبب ان میں بے چینی پائی جا رہی ہے ۔

(جاری ہے)

کرکٹ سکاٹ لینڈ کے چیف ایگزیکٹو میلکم کونن کے مطابق ان دو ملکوں کی زائد فنڈز وصول کرنے میں کامیابی ایسوسی ایٹ اور ایفلی ایٹ ملکوں کے بل پر ہے جنہیں اپنے حصے کی پوری رقم بھی نہیں مل سکے گی ۔

کرکٹ آئرلینڈ کے سربراہ راس میکولم نے اس فیصلے کے دفاع میں کہا کہ انہیں یا افغانستان کو ایسوسی ایٹ ممالک کے خزانے سے ادائیگی نہیں کی گئی ہے کیونکہ ایسوسی ایٹ ممالک تو اس بات کے متحمل بھی نہیں ہو سکتے کہ ان کے حصے کی رقم میں سے کچھ افغانستان یا آئرلینڈ کو دے دیا جائے ۔

Facebook Twitter Google + Share on Whatsapp

بگ 3 دور میں چھوٹے ممالک کو فنڈز کی کمی کے خدشات لاحق ہونے لگے

مزید کھیلوں کی خبریں