مصباح الحق کا پاکستان سپر لیگ میں ’آئیکون‘ کرکٹرز کے انتخاب میں غیرملکی کرکٹرز کو ترجیح دینے پربورڈ سے سخت احتجاج
جمعہ 18 دسمبر 2015 21:40
لاہور(اُردو پوائنٹ اخبارتازہ ترین - این این آئی۔18 دسمبر۔2015ء) پاکستانی کرکٹ ٹیم کے کپتان مصباح الحق نے پاکستان سپر لیگ میں ’آئیکون‘ کرکٹرز کے انتخاب میں پاکستانی کرکٹرز پر غیرملکی کرکٹرز کو ترجیح دیے جانے پر پاکستان کرکٹ بورڈ سے سخت احتجاج کیا ہے۔پاکستان سپر لیگ کے لیے جن پانچ ’آئیکون‘ کرکٹرز کا انتخاب کیا گیا ہے ان میں پاکستان کے صرف دو کرکٹرز شاہد آفریدی اور شعیب ملک شامل ہیں جبکہ تین غیرملکی کرکٹرز کرس گیل، کیون پیٹرسن اور شین واٹسن کو آئیکون کرکٹرز کے طور پر رکھا گیا ہے۔
اس کے برعکس مصباح الحق اور محمد حفیظ جیسے پاکستانی کرکٹرز حیران کن طور پر ’آئیکون‘ درجے سے محروم رہے ہیں۔پاکستان سپر لیگ کے پہلے ایڈیشن کے مقابلے آئندہ سال چار سے 23 فروری تک دبئی اور شارجہ میں منعقد ہوں گے۔(جاری ہے)
غیرملکی میڈیا کے مطابق مصباح نے اس ضمن میں پاکستان سپر لیگ کے اعلی افسران سے بھی بات کر کے اپنا احتجاج ریکارڈ کرایا ہے۔
ان کا موقف ہے کہ یہ پاکستان کی لیگ ہے اور پاکستان کرکٹ بورڈ کو اس میں اپنے کرکٹرز کو فوقیت دینی چاہیے تھی۔یہ بھی معلوم ہوا ہے کہ پاکستان سپر لیگ کے افسران نے مصباح الحق کو یہ کہہ کر قائل کرنے کی کوشش کی کہ غیرملکی کھلاڑیوں کو’آئیکون‘ درجہ دیے جانے کے باوجود پاکستان سپر لیگ میں پانچوں ٹیموں کی قیادت پاکستانی کرکٹرز ہی کریں گے تاہم گذشتہ دنوں پاکستان سپر لیگ کی ورکشاپ میں یہ بات واضح طور پر کہی گئی تھی کہ ’آئیکون‘ کرکٹرز ہی اپنی اپنی ٹیموں کے کپتان ہوں گے۔غور طلب بات یہ ہے کہ اس وقت دنیا میں جتنی بھی ٹی ٹوئنٹی کرکٹ لیگز کھیلی جا رہی ہیں ان میں آئیکون کرکٹرز ان ملکوں کے اپنے کرکٹرز کو بنایا جاتا ہے جو ان کی خدمات کا اعتراف ہوتا ہے اور وہی کرکٹرز اپنی اپنی ٹیموں کی کپتانی بھی کرتے ہیں۔اس ضمن میں سب سے بڑی مثال بھارت میں راہول ڈراوڈ اور انیل کمبلے کی ہے جنھیں ٹی 20 کے سپیشلسٹ کرکٹرز نہ ہونے کے باوجود آئی پی ایل میں آئیکون کرکٹرز بنایا گیا تھا۔اسی طرح بنگلہ دیش میں کھیلی گئی حالیہ لیگ میں کرس گیل بنگلہ دیشی کھلاڑی محمود اﷲ کی کپتانی میں کھیلے جبکہ عصر حاضر کے سب سے کامیاب بیٹسمین اے بی ڈی ویلیئرز آئی پی ایل میں وراٹ کوہلی کی کپتانی میں کھیل چکے ہیں۔متعلقہ عنوان :
مزید کھیلوں کی خبریں
-
سلمان بٹ نے پی ایس ایل میں کوچنگ کے امکان کے بارے میں کھل کر بتا دیا
-
پی ایس ایل 2025ء: مجوزہ شیڈول میں لاہور اور راولپنڈی، کراچی سے زیادہ میچز کی میزبانی کریں گے
-
ٹی ٹونٹی ورلڈ کپ جیت کر ادھورا کام مکمل کرنا ہے : محمد عامر
-
پی ایس ایل سے متعلق اجلاس رواں ماہ کے آخر میں ہوگا
-
کوشش یہی ہے ٹیم میں کمبی نیشن بنائیں، کپتان ندا ڈار
-
کراچی میں خواتین کرکٹرز کے ایکسینڈنٹ کی کہانی سامنے آگئی
-
بابراعظم کی قیادت میں قومی کرکٹ ٹیم دبئی کے راستے آئرلینڈ کے شہر ڈبلن پہنچ گئی
-
آل رائونڈرشاداب خان اور حسن علی نے ڈبلن میں ٹیم کو جوائن کرلیا
-
پاکستان سپر لیگ کے دسویں ایڈیشن میں غیرملکی کھلاڑیوں سے متعلق ابتدائی حکمت عملی تیار
-
آئرلینڈ اورپاکستان کی کرکٹ ٹیموں کے درمیان پہلا ٹی ٹونٹی میچ 10م ئی کو کھیلا جائے گا
-
سلطان اذلان شاہ کپ: پاکستان کینیڈا کو شکست دے کر فائنل کھیلنے کے قریب پہنچ گیا
-
انگلش پریمیئر لیگ کے دلچسپ مقابلے جاری،11مئی کو مزید 8میچوں کا فیصلہ ہوگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.