سندھ میں گورنر راج کی کوئی تجویز زیر غور نہیں،کراچی کے معاملے میں وفاق اور سندھ میں کوئی ڈیڈ لاک نہیں‘خواجہ سعد رفیق
لودھراں کے ضمنی انتخاب میں پی ٹی آئی اور جماعت اسلامی کے اتحاد کا وہی حال ہوگا جو حالیہ بلدیاتی انتخابات میں ہوا ہے ‘وزیر ریلوے
ہفتہ 19 دسمبر 2015 19:01
لاہور( اُردو پوائنٹ اخبارتازہ ترین - این این آئی۔19 دسمبر۔2015ء) وفاقی وزیر ریلوے خواجہ سعد رفیق نے کہاہے کہ سندھ میں گورنر راج کی کوئی تجویز زیر غور ہے اور نہ ہی اس کا کوئی امکان ہے، کراچی کے معاملے میں وفاق اور سندھ حکومت میں کوئی ڈیڈ لاک نہیں ،بلوچستان میں مری معاہدے کے تحت انتقال اقتدار کا مرحلہ رواں ماہ کے آخر تک مکمل کر لیا جائے گا ،لودھراں کے ضمنی انتخاب میں پی ٹی آئی اور جماعت اسلامی کے اتحاد کا وہی حال ہوگا جو حالیہ بلدیاتی انتخابات میں ہوا ہے ،صدیق بلوچ عوامی آدمی ہیں جبکہ جہانگیر ترین انتخابی موسم میں اڑ کر حلقے میں پہنچتے ہیں ۔
لاہور میں میڈیا سے گفتگو کرتے ہوئے خواجہ سعد رفیق نے کہا کہ وزیر اعظم محمد نواز شریف کی زیر صدارت ہونے والے اجلاس میں انفراسٹر اکچر اور بڑے منصوبوں کے حوالے سے گفتگو کی گئی ہے ۔(جاری ہے)
وزیر اعظم کی واضح ہدایات ہیں کہ بڑے منصوبوں کے ساتھ عوام کے بنیادی مسائل پر بھی بھرپور توجہ ہونی چاہیے اور حکومت اس پر فوکس کئے ہوئے ہے ۔ وفاقی حکومت صوبائی حکومتوں کی ہر ممکن مدد کرے گی ۔
انہوں نے کہا کہ موٹر وے سے ملحقہ آبادیوں کے مسائل اوران کی ترقی کے لئے بھی اقدامات کئے جائیں گے ۔انہوں نے لودھراں کے ضمنی انتخاب میں پی ٹی آئی اور جماعت اسلامی کے اتحاد کے حوالے سے سوال کے جواب میں کہا کہ ہمیں اس اتحاد سے کوئی فرق نہیں پڑے گا بلکہ اس اتحاد کا وہی حال ہوگا جو اس سے قبل بلدیاتی انتخابات میں ہوا ہے ۔ صدیق بلوچ عوامی آدمی ہیں جبکہ جہانگیر ترین حلقے کے لوگوں کے لئے اجنبی ہیں،وہ صرف انتخابی موسم میں حلقے کا رخ کرتے ہیں اور اڑ کر پہنچتے ہیں وہ دس طیارے بھی لے آئیں انہیں کامیابی نہیں ملے گی ۔ انہوں نے سندھ میں گورنر راج کے حوالے سے سوال کے جواب میں کہا کہ سندھ میں گورنر راج کی کوئی تجویز زیر غور ہے اور نہ ہی اس کا کوئی امکان ہے ۔ کراچی کے معاملے میں وفاق اور سندھ میں کوئی ڈیڈلاک نہیں ، تمام معاملات بات چیت کے ذریعے حل کئے جائیں گے۔ بلوچستان میں مری معاہدے پر عملدرآمد کے سوال کے جواب میں انہوں نے بتایا کہ انتقال اقتدار کا مرحلہ رواں ماہ کے آخر تک مکمل کر لیا جائے گا،ڈاکٹر عبد المالک بلوچ پہلے بھی ہمارے اتحادی تھی اور اس معاہدے کے تحت انتقال اقتدار کے بعد بھی وہ ہمارے اتحادی رہیں گے، ان کی اچھی پالیسیوں کو ضرور آگے بڑھایاجائے گا۔ انہوں نے سعودی عرب میں چونتیس اسلامی ممالک کے فوجی اتحاد کے حوالے سے سوال کے جواب میں کہا کہ مجھے اس بارے کوئی علم نہیں۔ انہوں نے بھارت سے تعلقات کے سوال کے جواب میں کہا کہ بھارتی وزیراعظم نریندر مودی کو سمجھ آ گئی ہے کہ لڑائی جھگڑا مسائل کا حل نہیں بلکہ اس سے مسائل بڑھتے ہیں ۔ بھارت میں بھی مسائل کے انبار ہیں اور پاکستان میں بھی غربت ہے دونوں ممالک اچھے تعلقات کے ذریعے ہی ان مسائل سے چھٹکارا حاصل کر سکتے ہیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.