کرسٹیانو رونالڈو نے اپنے معصوم مداح کا خواب سچ کر دیا

اتوار 20 دسمبر 2015 16:07

میونخ(اُردو پوائنٹ اخبارتازہ ترین - آئی این پی۔20 دسمبر۔2015ء)سپین کے فٹ بال کلب ریال میڈرڈ کے مشہور پرتگالی کھلاڑی کرسچیانو رونالڈو نے لبنان میں ایک بم دھماکے میں ماں باپ سے محروم ہونے والے تین سالہ حیدر کو کلب کے اسٹیڈیم میں گلے لگا کر اپنے معصوم مداح کو خوش آمدید کہا۔ ریال میڈرڈ کی ویب سائٹ میں جاری تفصیلات کے مطابق 3 سالہ حیدر کے والدین گزشتہ ماہ نومبر میں لبنان کے دارالحکومت بیروت میں خود کش دھماکے میں ہلاک ہوگئے تھے جبکہ حیدر ان دھماکوں میں شدید زخمی ہوئے تھے جس کے بعد وہ اسپتال میں زیر علاج تھے۔

حیدر کی کہانی اس وقت پوری دنیا کے توجہ کا مرکز بن گئی تھی جب انھیں ریال میڈرڈ کی جرسی پہنے بم دھماکے میں بچالیا گیا تھا۔ ریال میڈرڈ کے بیان کے مطابق کلب جب سے حیدر تک پہنچنے کی کوشش کر رہا تھا تاکہ کرسچیانو رونالڈو سے ملنے کی ان کی تمنا کو پوری کی جائے تاہم جمعے کو ان کی کوششیں رنگ لائیں اور کلب کے چھوٹے مداح کو ریال میڈرڈ کے صدر فلورینٹینو پیریز نے سینٹیاگو برنابیو اسٹیڈیم میں خوش آمدید کہا اور کرسچیانو رونالڈو سے ملوایا۔

(جاری ہے)

حیدر کو ریال میڈرڈ کے صدر کی جانب سے کلب کی جرسی بھی پیش کی گئی جبکہ وہ ریال میڈرڈ کے اگلے مقابلے کو ٹیم کے ساتھ براہ راست دیکھیں گے۔ واضح رہے 13 نومبر 2015 کو بیروت میں دو خودکش دھماکوں کے نتیجے میں 40 کے قریب افراد ہلاک ہوئے تھے جبکہ داعش نے ان دھماکوں کی ذمہ داری قبول کی تھی۔

Facebook Twitter Google + Share on Whatsapp

کرسٹیانو رونالڈو نے اپنے معصوم مداح کا خواب سچ کر دیا

مزید کھیلوں کی خبریں