پاکستان سپر لیگ میں پانچوں ٹیمیں متوازن ہیں ، مقابلے دلچسپ ہوں گے ،شہر یار خان

منگل 22 دسمبر 2015 13:59

پاکستان سپر لیگ میں پانچوں ٹیمیں متوازن ہیں ، مقابلے دلچسپ ہوں گے ،شہر ..

اسلام آباد (اُردو پوائنٹ اخبارتازہ ترین - این این آئی۔22 دسمبر۔2015ء) پاکستان کرکٹ بورڈ کے چیئرمین شہر یار خان نے کہاہے کہ پاکستان سپر لیگ میں پانچوں ٹیمیں متوازن ہیں ‘ہونے والے مقابلے دلچسپ ہوں گے ‘ کھلاڑیوں کو اچھا خاصا معاوضہ ملے گا جو ایک سال کیلئے ہوگا ‘ آئندہ سال دوبارہ کھلاڑیوں کا انتخاب ہوگا ۔

(جاری ہے)

بی بی سی اردو سروس سے بات چیت کے دور ان پاکستان سپر لیگ میں کھلاڑیوں کے انتخاب کیلئے اپنائے گئے طریقہ کار کے بارے میں کسی قسم کے نقص یا خامیوں کے بارے میں انہوں نے کہاکہ یہ طریقہ کار انتہائی مناسب تھا اور کھلاڑیوں کو مختلف زمروں میں تقسیم کر دیا گیا تھا۔

کھلاڑیوں کو ملنے والے معاوضے کے بارے میں شہر یار خان نے کہا کہ کھلاڑیوں کو اچھا خاصا معاوضہ ملے گا جو ایک سال کیلئے ہو گا اور آئندہ سال دوبارہ کھلاڑیوں کا انتخاب ہو گا۔ انھوں نے اس تاثر کو رد کر دیا کہ پاکستان کے نوجوان کھلاڑیوں کو اس میں موقع نہیں ملے گا۔انھوں نے کہا کہ نوجوان کھلاڑی جن میں سرفراز، عماد وسیم اور رضوان شامل ہیں ان کو ٹیموں میں شامل کر لیا گیا ہے۔

متعلقہ عنوان :