وزیر اعلی شہباز شریف کا کرسمس کے موقع پر مسیحی قیدیوں کے لئے تین ماہ کی قیدمیں معافی کا اعلان
قید میں معافی کا اطلاق سنگین جرائم میں ملوث قیدیوں پر نہیں ہو گا، قید میں معافی کی رعایت قانون کے مطابق ہو گی مسیحی برادری کو کرسمس کی مبارکباد پیش کرتا ہوں ، وزیر اعلی شہباز شریف نے کرسمس کا کیک بھی کاٹا
منگل 22 دسمبر 2015 23:01
لاہور(اُردو پوائنٹ اخبارتازہ ترین - این این آئی۔22 دسمبر۔2015ء ) وزیراعلیٰ پنجاب محمد شہباز شریف نے کہا ہے کہ مسیحی برادری نے پاکستان کے قیام ، ترقی و خوشحالی اور تعمیر وطن میں بھرپور کردار ادا کیا ہے ،تعلیم ، صحت اور دیگر شعبوں میں مسیحی برادری کی خدمات قابل ستائش ہیں ، مسیحی برادری نے دکھی انسانیت کی خدمت اور علم کی شمع روشن کرنے کے حوالے سے بڑا نام کمایا ہے ،ملک کے دفاع اور انصاف کی فراہمی میں بھی مسیحی برادری کا کردار قابل تعریف ہے ،وزیر اعلی نے کرسمس کے موقع پر صوبے کے مسیحی برادری سے تعلق رکھنے والے قیدیوں کی تین ماہ کی قید میں معافی کا اعلان کیا ہے ،قید میں معافی کا اطلاق سنگین جرائم میں ملوث مسیحی قیدیوں پر نہیں ہو گا- قید میں معافی کی رعایت ان مسیحی قیدیوں کو ملے گی جس کی قانون اجازت دیتا ہے -وزیر اعلی محمد شہباز شریف نے ان خیالات کا اظہار یہاں ماڈل ٹاؤن میں کرسمس کے موقع کی مناسبت سے مسیحی برادری کے اعزاز میں منعقدہ تقریب سے خطاب کرتے ہوئے کیا-وفاقی وزیر پورٹ و شپنگ کامران مائیکل ، صوبائی وزیر اقلیتی امور خلیل طاہر سندھواور مسیحی برادری کے رہنماؤں نے تقریب سے خطاب کیا اور اقلیتوں کے حقوق کے تحفظ کے لئے حکومت پنجاب کے اقدامات کو سراہا-وزیر اعلی محمد شہباز شریف نے تقریب سے خطاب کرتے ہوئے کہا کہ کرسمس کا تہوار خوشیوں کا دن ہے اور مسیحی برادری کو کرسمس کی مبارکباد پیش کرتا ہوں- ایسے کرسمس کے تہوار منانے سے مسلمانوں اور مسیحی برادری میں یگانگت ، محبت اور باہمی تعلقات کو فروغ ملتا ہے - انہوں نے کہا کہ حضرت عیسی علیہ اسلام کی پیدائش کا دن مسیحی برداری کے ساتھ مسلمانوں کے لئے بھی مقدس اور قابل احترام ہے-قرآن مجید میں بھی حضرت عیسی علیہ اسلام کے دور کے واقعات تفصیل سے بیان کئے گئے ہیں- انہوں نے کہا کہ پاکستان میں بسنے والی مسیح، ہندو، پارسی اور سکھ برادری نے امن کے فروغ میں نمایاں کردار ادا کیا ہے اورپاکستان میں بسنے والی تمام اقلیتوں کو برابر کے حقوق حاصل ہیں-بانی پاکستان قائد اعظم محمد علی جناح نے بھی تمام اقلیتوں کے یکسا ں حقوق پر زور دیا ہے - ہم سب نے مل کر قائد کے اسی وژن کو پاکستان میں آگے لے کر چلنا ہے - انہوں نے کہا کہ پرامن اور رواداری پر مبنی معاشرے کی تشکیل کے لئے قائد کی تعلیمات پر عمل کرنا ہو گا - آئین پاکستان کے تحت ملک میں بسنے والی تمام اقلیتی برادریو ں کو یہاں رہنے اور کام کرنے کا پورا حق حاصل ہے- وزیر اعظم نواز شریف کی قیادت میں مسلم لیگ(ن) کی حکومت نے اقلیتوں کے حقوق کے تحفظ کو یقینی بنایا ہے- انہوں نے کہا کہملک کو امن کاگہوارہ بنانے کے لئے انتہا پسند انہ سوچ کا خاتمہ ضروری ہے - انہوں نے کہا کہ کرسمس کے موقع پر مسیحی برادری کو دی جانے والی عیدی کے چیک کو کیش کرانے کے حوالے سے طریقہ کار آسان بنایا جائے گا-پوری کوشش کریں گے کہ چیک کرسمس سے پہلے کیش ہو سکیں اور میں اس بارے ہدایات جاری کر رہا ہوں- وزیر اعلی نے یوحنا آباد کے واقعہ کے حوالے سے کمیٹی تشکیل دینے کا اعلان کرتے ہوئے کہا کہ یوحنا آباد کے واقعہ میں قانون کے دائرے میں رہتے ہوئے جو بھی ریلیف ممکن ہوا دیں گے - انہوں نے کہا کہ سینٹ فرانسس سکول کے ضمن میں رپورٹ منگواؤں گا اور مسیحی برادری کے مطالبے کی روشنی میں اس کا جائزہ لیں گے -وزیر اعلی نے کرسمس کا کیک بھی کاٹا-وفاقی وزیر پورٹ و شپنگ کامران مائیکل، صوبائی وزیر اقلیتی امور خلیل طاہر سندھو، بشپ ، فادرز ، سسٹرز اور مسیحی برادری سے تعلق رکھنے والے اہم شخصیات بھی اس موقع پر موجود تھیں-
متعلقہ عنوان :
مزید اہم خبریں
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
-
فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، ریونیوکلیکشن بڑا چیلنج ہے‘شہبازشریف
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں ، وفاقی وزیررانا تنویر حسین
-
حکومت عوام کو پیپلز بس سروس کی صورت میں جدید، موثر، محفوظ پبلک ٹرانسپورٹ سسٹم فراہم کرنے کے اپنے عزم کو پورا کررہی ہے۔وزیراعلی سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.