رحیم یارخان میں بیل ریس نے بارسلونا کی گلیوں کی یاد تازہ کر دی

بدھ 23 دسمبر 2015 12:36

رحیم یارخان(اُردو پوائنٹ اخبارتازہ ترین - آن لائن۔23دسمبر۔2015ء)سپین کا مشہور زمانہ بل فائٹنگ کا کھیل تو دنیا بھر میں شہرت رکھتا ہی ہے مگر رحیم یار خان میں بیل ریس کے دوران بھی بارسلونا کی گلیوں کی یاد تازہ ہو گئی۔تفصیلات کیمطابق سپین کے شہر میڈرڈ اور بارسلونا کے مناظر تو ہم نے دیکھے ہیں جہاں بیلوں کے آگے بھاگنا قدیم روایات کا حصہ ہے لیکن رحیم یار خان میں دیسی بیل ریس میلا بھی کبھی کبھار اسپین کی یاد تازہ کر دیتا ہے۔

(جاری ہے)

رحیم یارخان میں بیلوں کا میلہ سجا جس میں طاقت ور بیل میدان میں اترے بیلوں کے مالکان نے خوب مالش کی اور پھر دو بیلوں کو ایک ہل میں جوت دیا جس کے بعد انہیں کھیت میں گھمایا گیا اور پھر بھگاکر چھوڑ دیا گیا۔طاقت کا مظاہرہ دکھانے کے اس میلہ میں راکٹ بھی چلا، ماسٹر نے حصہ لیا مشکی، جاوا اور لاکھا بھی ایک دوسرے کے مدمقابل ہوئے مگر میدان ماسٹر نے مارلیا۔زراعت میں دن بدن ترقی کے باعث جدید آلات کا استعمال بڑھتاجارہاہے مگر قدیم طریقوں کو یاد رکھنے کے لئے رحیم یار خان میں آج بھی بیلوں کے ہل چلا کر طاقت کا مظاہرہ کرنے کے مقابلے ہوتے ہیں۔ ۔

Facebook Twitter Google + Share on Whatsapp

رحیم یارخان میں بیل ریس نے بارسلونا کی گلیوں کی یاد تازہ کر دی

مزید کھیلوں کی خبریں