سندھ حکومت نے وفاقی حکومت کی طرف سے پاکستان رینجرز کو اختیارات دینے سے متعلق خط کا جواب دے دیا
وفاقی حکومت کا اس طرح پاکستان رینجرز کو اس طرح اختیارات دینے کا اقدام ماورائے آئین اور صوبائی خود مختاری پر حملہ ہے وفاقی حکومت کا خط آئین کے آرٹیکل 147 کی مکمل نفی اور سندھ اسمبلی کی قرار داد سے متصادم ہے ،سندھ حکومت کا وفاق کو جوابی خط
جمعرات 24 دسمبر 2015 20:19
کراچی (اُردو پوائنٹ اخبارتازہ ترین - این این آئی۔24 دسمبر۔2015ء) سندھ حکومت نے وفاقی حکومت کی طرف سے پاکستان رینجرز کو اختیارات دینے سے متعلق خط کا جواب دے دیا ہے ۔ سندھ حکومت نے اپنے جوابی خط میں کہا ہے کہ وہ وفاقی حکومت کے خط پر عمل درآمد سے صاف انکار کر دیا ہے اور کہا ہے کہ وفاقی حکومت کا اس طرح پاکستان رینجرز کو اس طرح اختیارات دینے کا اقدام ماورائے آئین اور صوبائی خود مختاری پر حملہ ہے ۔ حکومت سندھ کے جوابی خط میں وفاقی حکومت پر یہ بھی الزام لگایا گیا ہے کہ وہ اپنے آئینی فرائض سے انحراف کر رہی ہے ۔ جوابی خط میں کہا گیا ہے کہ وفاقی حکومت کا اقدام سندھ حکومت اور وفاقی حکومت کے اختیارات میں تجاوز ہے ۔ جوابی خط میں کہا گیا ہے کہ وفاقی حکومت کا خط آئین کے آرٹیکل 147 کی مکمل نفی اور سندھ اسمبلی کی قرار داد سے متصادم ہے ۔
(جاری ہے)
حکومت سندھ نے اپنے جوابی خط میں وفاقی حکومت کے خط کو مسترد کرتے ہوئے اس کے مندرجات کو غلط قرار دیا ہے اور کہا ہے کہ حکومت اپنے 19 دسمبر 2015 والے خط پر قائم ہے ، جو اس نے وفاقی حکومت کو لکھا تھا ۔
جوابی خط میں وفاقی حکومت کو یہ بھی باور کرایا گیا ہے کہ سندھ حکومت ایک جمہوری اور آئینی حکومت ہے ، جسے سندھ کے عوام نے منتخب کیا ہے ۔ وہ آئین کے مطابق کام کرتی ہے اور وفاقی حکومت سے بھی یہ توقع رکھتی ہے کہ وہ بھی آئین کے مطابق کام کرے ۔ جوابی خط میں کہا گیا ہے کہ 16 دسمبر 2016 ء کو صوبے میں رینجرز کی موجودگی کی توثیق کے لیے سندھ اسمبلی سے قرار داد منظور کراکے حکومت سندھ اپنی آئینی ذمہ داری پوری کی ہے ۔ آئین کا آرٹیکل 147 حکومت سندھ کو یہ اختیار دیتا ہے کہ وہ رینجرز کی موجودگی کے حوالے سے کوئی ایک شرط یا شرائط عائد کردے ، جنہیں وہ مناسب سمجھے ۔ وفاقی حکومت کا یہ کہنا کہ یہ شرائط غیر قانونی ہیں ، دراصل آئین کی جان بوجھ کر غلط تشریح ہے ۔ سندھ اسمبلی نے بھی اپنی آئینی ذمہ داری پوری کی ہے ۔ جوابی خط میں یہ واضح کیا گیا ہے کہ رینجرز کی صوبہ سندھ میں موجودگی انسداد دہشت گردی یا کسی قانون کے تحت ہے لیکن آئین کا آرٹیکل 147 اس موجودگی کو مشروط کرنے کا حکومت سندھ کو اختیار دیتا ہے ۔ کوئی بھی قانون بشمول انسداد دہشت گردی ایکٹ آئین کی کسی بھی شق بشمول آرٹیکل 147 کے تابع ہے لیکن بدقسمتی سے وفاقی حکومت اپنے آئینی فرض سے انحراف کرتے ہوئے ایک عام قانون بشمول انسداد دہشت گردی ایکٹ پر انحصار کر رہی ہے حالانکہ کوئی قانون آئین سے برتر نہیں ہے ۔ جوابی خط میں یہ بھی کہا گیا ہے کہ انسداد دہشت گردی کے ایکٹ ” 11 ای ای ای ای “ کے تحت بھی کسی بھی شخص کی حفاظتی نظر بندی کا فیصلہ صوبائی حکومت کے حکم سے مشروط ہے ۔ جوابی خط میں کہا گیا ہے کہ آئین کے تحت دیئے گئے اختیارات کو کسی قانون کے تحت ختم نہیں کیا جا سکتا ۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.