مسیحی برادری کے خلاف مذہب کی بنیاد پر قوانین کے غلط استعمال کی مذمت کرتے ہیں ، آصف زرداری
جمعرات 24 دسمبر 2015 20:22
کراچی ( اُردو پوائنٹ اخبارتازہ ترین - این این آئی۔24 دسمبر۔2015ء) پاکستان پیپلز پارٹی کے شریک چیئرمین سابق صدر آصف علی زرداری نے کرسمس کے موقع پر پاکستان کے مسیحی بھائیوں اور بہنوں کو، خاص طور پر اور دنیا کی مسیحی برادری کو بالعموم مبارکباد پیش کی ہے۔ کرسمس کے پیغام میں سابق صدر نے کہا کہ حضرت عیسیٰ محبت، درگزر اور بھائی چارے کی تعلیمات کا منبع ہیں اور ہمیں چاہیے کہ ان کی تعلیمات پر عمل کرکے اپنے کل کو اپنے آج سے بہتر بنائیں۔
آج جتنی ضرورت محبت، درگزر اور مفاہمت کی ہے، اس سے پہلے کبھی نہیں تھی۔ سابق صدر نے کہا کہ وہ مسیحی برادری کے خلاف مذہب کی بنیاد پر قوانین کے غلط استعمال کی مذمت کرتے ہیں اور نہ صرف یہ کہ مسیحی برادری بلکہ تمام اقلیتوں کے خلاف ان قوانین کے غلط استعمال کی مذمت کرتے ہیں۔(جاری ہے)
انہوں نے پاکستان پیپلز پارٹی کے اس عزم کا اعادہ کیا کہ وہ غیرمسلموں کو ان قوانین کے غلط استعمال کے خلاف تحفظ فراہم کرتی رہے گی۔
پاکستان پیپلزپارٹی سینیٹ کے اس فیصلے کو سراہتی ہے جس میں کہا گیا ہے کہ مذہب کی بنیاد پر بنائے گئے قوانین کے غلط استعمال کو روکنے کے لئے تمام شراکت داروں کے ساتھ گفتگو کی جائے گی۔ آصف علی زرداری نے ملک کی ترقی اور فلاح و بہبود کے لئے مسیحی برادری کی خدمات کا اعتراف کیا اور انہیں سراہا۔ مسیحی برادری نے قانون پر عمل پیراء رہنے والی برادری کی حیثیت سے اپنا مقام بنایا ہے جسے پوری قوم تسلیم کرتی ہے۔ انہوں نے اس اعتماد کا اظہار کیا کہ مسیحی برادری اپنا مثبت اور تعمیری کردار ادا کرتی رہے گی۔ انہوں نے پاکستان پیپلزپارٹی کے اس عزم کا اعادہ بھی کیا کہ پارٹی مسیحی برادری کو پاکستان کا برابر کا شہری سمجھتی ہے اور مساویانہ طور پر انہیں ملک کی ترقی میں حصہ لینے کا حق دیتی ہے۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.