لودھراں الیکشن سے ثابت ہوگیا 2013کے عام انتخابات میں دھاندلی ہوئی ،جوڈیشل کمیشن کا فیصلہ ٹھیک نہ ہونے کے باجود تسلیم کیا، الیکشن ٹربیونل کے نتائج کے تحت4میں سے3وکٹیں گرگئیں،پاکستان کی کسی سیاسی پارٹی میں جمہوریت نہیں ہے،کپتان کسی کی بلیک میلنگ میں نہیں آتا ، چند لوگوں کے کہنے پر کسی لیڈر کو نہیں ہٹاؤں گا ، پارٹی الیکشن آنے والے ہیں، احتجاج کرنے والوں کو لیڈر منتخب کرنے کا مو موقع ملے گا
تحریک انصاف کے سربراہ عمران خان کا کراچی میں پارٹی کارکنوں سے خطاب
ہفتہ 26 دسمبر 2015 20:12
کراچی(اُردو پوائنٹ اخبارتازہ ترین - آئی این پی۔26 دسمبر۔2015ء) پاکستان تحریک انصاف کے سربراہ عمران خان نے کہاہے کہ لودھراں کے ضمنی الیکشن کے نتائج سے ثابت ہوگیا کہ2013کے عام انتخابات میں دھاندلی ہوئی تھی ،جوڈیشل کمیشن کا فیصلہ ٹھیک نہیں تھا پھر بھی قبول کیا، الیکشن ٹربیونل کے نتائج آئے چارمیں سے3وکٹیں گرگئیں،پاکستان کی کسی سیاسی پارٹی میں جمہوریت نہیں ہے،کپتان کسی کی بلیک میلنگ میں نہیں آتا ، چند لوگوں کے کہنے پر کسی لیڈر کو نہیں ہٹاؤں گا ، پارٹی الیکشن آنے والے ہیں احتجاج کرنے والے لوگوں کو اپنے لیڈر منتخب کرنے کا موقع ملے گا ۔
وہ ہفتہ کو یہاں پارٹی کارکنوں سے خطاب کررہے تھے ۔انہوں نے کہاکہ لودھراں الیکشن جیتنے پر سب کو مبارک ہو۔اس الیکشن سے ثابت ہوگیا کہ2013کے عام انتخابات میں دھاندلی ہوئی تھی ،جوڈیشل کمیشن کا فیصلہ ٹھیک نہیں تھا پھر بھی قبول کیا۔(جاری ہے)
عمران خان نے کہا کہ الیکشن ٹربیونل کے نتائج آئے چارمیں سے3وکٹیں گرگئیں،پاکستان کی کسی سیاسی پارٹی میں جمہوریت نہیں ہے۔
واضح رہے کہ عمرا ن خان کے خطاب سے قبل کارکنوں نے شدیداحتجا ج کرتے ہوئے مقامی قیادت کے خلاف نعر ے بازی شروع کردی جس پر اپنے کارکنوں سے مخاطب ہوکر عمرا ن خان نے کہاکہ کپتان کبھی بلیک میل نہیں ہوتا،یہ مت سمجھنا کہ100لوگ مجھ کو مل کر ڈرادینگے، احتجاج کی ضرورت نہیں ہے2،3ماہ میں پارٹی انتخابات ہونے والے ہیں جس میں آپ لوگوں کو اپنی لیڈرشپ چُننے کا موقع ملے گا۔انہوں نے کہا کہ زندہ قومیں ہی احتجاج کرتی ہیں،مری ہوئی قومیں احتجاج نہیں کرتیں۔یہ خوشی کی بات ہے کہ آپ زندہ قوموں میں سے ہو۔عمران خان نے کہا کہ پہلے کراچی میں میٹنگ سے پہلے سردرد کی گولی کھاناپڑتی تھی،جب بھی میں کراچی آتا تھا ایک گروپ شدید احتجاج کرتاتھا۔ سارے پاکستان کی تحریکیں کراچی سے شروع ہوتی تھیں۔انہوں نے کہا کہ میں نے زندگی میں کبھی اشرف قریشی کو خودنہیں دیکھا،آخر میں اشرف قریشی کو کراچی کا صدربنا دیا مگر وہ پھر بھی خوش نہیں ہوا۔انہوں نے کہا کہ میں نے زندگی میں کبھی اشرف قریشی کو خوش نہیں دیکھا۔کراچی میں لسانیت کی سیاست نے تحریکوں کو ختم کیا،عمران خان نے شورمچاتے کارکنوں سے ناراض ہوتے ہوئے کہا کہ آپ15لوگ شورمچاکر اور احتجاج کرکے کسی لیڈر کو ہٹا دیں گے،یادرکھوآپکا کپتان کبھی بلیک میل نہیں ہوتا۔پارٹی انتخابات آرہے ہیں آپ لوگ اپنی مرضی کا لیڈر منتخب کرسکتے ہیں میں اپنی مرضی کا لیڈر تم لوگوں پر تعینات نہیں کروں گااورنہ ہی آپ لوگوں سے ڈر کے علی زیدی کو نکالوں گا،اس انتخاب میں آپ لوگوں کو اپنی مرضی کا ضلعی صدر منتخب کرنے کا موقع ملے گا۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.