نیشنل ایکشن پلان کو متنازع بنانے والے ملک کے خیرخواہ نہیں،علی اکبر گجر
معترض سیاستدانوں کو قومی منصوبے کو تماشا اور ہدف تنقید بنانے کی بجائے اپنی کمزوریوں اور کوتاہیوں پر نظر دوڑانی چاہئے، رہنماء ن لیگ سندھ
پیر 28 دسمبر 2015 17:20
کراچی (اُردو پوائنٹ اخبارتازہ ترین - این این آئی۔28 دسمبر۔2015ء) پاکستان مسلم لیگ (ن) سندھ کے نائب صدر علی اکبر گجر نے کہا ہے کہ نیشنل ایکشن پلان کو متنازع بنانے والے ملک کے خیرخواہ نہیں۔ معترض سیاستدانوں کو قومی منصوبے کو تماشا اور ہدف تنقید بنانے کی بجائے اپنی کمزوریوں اور کوتاہیوں پر نظر دوڑانی چاہئے۔ نیشنل ایکشن پلان وقت کی آواز اور قومی سلامتی کا اہم ترین منصوبہ ہے جسے ملک کی تمام سیاسی جماعتوں اور قومی اداروں نے اتفاق رائے سے تشکیل دیا اور منظور کیا تھا لیکن اب بعض سیاسی جماعتیں اسے اپنے مخصوص مفادات کے تحت سوالیہ نشان بنا کر ملک دشمنوں کے لئے سہولت کاری پیدا کر رہے ہیں جسے عوام اپنی بالغ نظری اور طاقت سے ناکام بنا دیں گے۔
انہوں نے کہا کہ ملک کی سلامتی، قومی مفادات اور امن سب مفادات پر مقدم ہے۔(جاری ہے)
نیشنل ایکشن پلان سے دہشت گردی اور انتہا پسندی کے خاتمے اور ملک میں اور خاص طور پر کراچی میں امن قائم کرنے میں بڑی حد تک کامیابی حاصل ہوئی اس لئے عوام یہ آپریشن مکمل قیام امن تک جاری رکھنے پر متفق ہیں جبکہ مسلم لیگ (ن) کی حکومت اور قائد جمہوریت میاں نواز شریف کا بھی قوم سے وعدہ ہے کہ جب تک ملک میں آخری دہشت گرد باقی ہے ملک میں نیشنل ایکشن پلان پر عملدر آمد جاری رہے گا۔
علی اکبر گجر نے کہا کہ بعض سیاسی جماعتوں کی طرف سے یہ تاثر اور الزام بے بنیاد ہے کہ نیشنل ایکشن پلان کی کارروائیاں کسی خاص علاقے اور کسی مخصوص سیاسی جماعت کے خالف ہیں۔ یہ تاثر بالکل غلط اور حکومت اور قانون نافذ کرنے والے اداروں کو بدنام کرنے کی ایک چال ہے جسے چاروں صوبوں کے محب وطن عوام کسی صورت کامیاب نہیں ہونے دیں گے اور آپریشن ضرب عضب ہو کہ کراچی آپریشن جب تک نتیجہ پذیر نہیں ہو گا جاری رہے گا۔متعلقہ عنوان :
مزید قومی خبریں
-
نواز شریف کینسرکیئرہسپتال کے ماسٹر پلان کے حوالے سےاجلاس کا انعقاد
-
وزیراعلیٰ خیبر پختونخوا علی امین خان گنڈاپور سے عبداللہ فادل کی قیادت میں یونیسیف کے وفد کی ملاقات
-
صوبائی وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ
-
سنگین مقدمات میں ملوث ملزم کا دشمنی کی بنا پرقتل
-
وزیراعلیٰ پنجاب کی ہدایت پر لاہورپولیس کا پتنگ بازی کے خلاف کریک ڈاؤن جاری
-
وزیراعلیٰ کی ہدایت پرسی سی پی او لاہور کی زیرنگرانی موٹرسائیکل سواروں میں خونی ڈورسے بچاؤ کیلئے سیفٹی وائرزکی مفت تقسیم
-
لاہور اور اوکاڑہ پولیس کو مطلوب خطرناک مجرم اشتہاری گرفتار
-
گندم کی پیداوار کا تقریباً 10 فیصد حصہ مختلف وجوہات کی بناء پر ضائع ہو جاتا ہے،رپورٹ
-
واپڈانے مختلف دریاؤں اور آبی ذخائر میں پانی کی آمد واخراج کے اعدادوشمار جاری کر دیئے
-
پائیدار ترقی اور خوشحالی کے لیے وفاقی اور صوبائی حکام کے درمیان تعاون نہایت اہمیت کا حامل ہے،جام کمال خان
-
این اے 148 میں دوبارہ ووٹوں کی گنتی کی درخواست خارج کردی گئی
-
وزیراعلی پنجاب نے ٹیکس کنسلٹنسی یونٹ قائم کرنے کی منظوری دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.